中山紀念碑

出自維基百科,自由嘅百科全書
中山紀念碑
廣東省文物保護單位
喺邊廣州市越秀區
近現代緊要史跡同代表性嘅建築
時代中華民國
5-500
登錄2001年
地圖
Map

中山紀念碑粵拼zung1 saan1 gei3 nim6 bei1)係廣東省廣州市一個紀念孫中山先生嘅其中一個革命史跡嘅紀念碑,喺越秀公園入面嘅觀音山山頂。如估喺越秀公園嘅南門入去嘅話,行百步梯上到梯頂就到喇。

呢個紀念碑喺1929年起,同廣州嘅中山紀念堂一樣,都係由中國比較出名嘅建築師——呂彥直嚟負責設計嘅。1978年7月,呢嚿紀念碑已經變咗廣東省文物保護單位,2001年同中山紀念堂一樣,都係變咗全國重點文物保護單位

構造[編輯]

中山紀念碑嘅底座平面就好似個十字折角形噉,下面有個拱門開咗,喺底座附近重有個雕花欄杆响度。成個碑身好似個方錐形噉,佢有37米咁高,成座紀念碑係用咗花崗岩嚟整嘅。而個碑身正面重整咗嚿差唔多27平方米嘅花崗岩响度,上面重有李濟深寫住嘅《總理遺囑》响度。而個塔度同鎮海樓一樣,都係越向上就越細,重要係尖嘅,一共有13層樓咁高,喺棟紀念碑嘅入面重有條盤旋嘅梯級可以去到頂(依家係唔畀遊客上去),其中1、2樓嘅四邊都係可以企响個欄邊度睇到好遠嘅地。而個碑基嘅四邊重有26隻羊頭石雕响度,意思就係話「呢度係羊城」噉解。

特色[編輯]

由於佢係同中山紀念堂都喺同一條軸線入面,所以咪形成咗廣州城區入面嘅舊中軸線入面出現嘅「南堂北碑」嘅特色。