中山路 (廣州市區)

出自維基百科,自由嘅百科全書
Jump to navigation Jump to search
中山路
Zhongshan Lu
GZ rd sign L.svg Guangzhou rd middle.png GZ rd sign R.svg
中山一路
中山一路
性質: 主幹道
全長: 9公里
行車線: 雙向3~8車道
地區: 廣州市荔灣區越秀區
起點: 中山一立交
終點: 中山八立交
通車日期: 1960年全線通車
主要建築: 荔灣湖公園
中山八站
陳家祠
陳家祠地鐵站
西門口地鐵站
回民飯店
惠愛餐廳
公園前地鐵站
中央公園
新大新百貨
番禺學宮
城隍廟
中華廣場
廣東諮議局
廣東省人民醫院
中山大學附屬第一醫院
東山口地鐵站
梅花村
楊箕站
亞運翻新前中山六路騎樓(東往西,2005年)
亞運翻新後中山六路騎樓(西往東,2012年)
1991年中山五路騎樓(西往東),可以見到艷芳照相館(而今搬咗去朝天路)同102路電車,大部分嘅騎樓經已拆咗。

中山路廣州市區嘅主幹道西行車,全長大概9002米,闊度就變化好大,最窄嘅中山六路近解放北路口段淨係得雙向3車道,最闊嘅中山一路就有雙向8車道。中山路又因為地下同地底分別有無軌電車地下鐵(都比較環保)幾乎行勻全線而叫做綠色交通走廊。中山路西邊連住珠江大橋。條路分成8段。

中山路嘅八條道路[編輯]

中山路嘅八條道路係有以下呢幾條(由西向東嚟排):

歷史[編輯]

1930年代嘅廣州市地圖,有中山路各個路段嘅舊名。

中山四、五、六路喺廣州舊城牆以內,喺時期經已係貫通大東門越秀路口)到正西門人民路口)嘅主要街道,叫“惠愛街”,條街上面有好多主要嘅衙門,比如清朝布政司巡撫部院、廣東都司等等。

唐宋時代,到廣州做生意嘅大食(阿拉伯)人、波斯人有唔少,常年僑居廣州嘅蕃商,多達12~20萬人。唐開元二十九年(741),朝廷就喺廣州城外劃咗塊地畀蕃商居住,呢個就係「蕃坊」,設咗「蕃坊司」同蕃長管理住區。惠愛街、光塔街就喺蕃坊範圍內。蕃坊最繁盛陣,光塔街至惠愛西街一帶,聚居咗「蕃漢萬家」,附近嘅瑪瑙巷,嗰陣就係阿拉伯人同波斯人嘅瑪瑙交易市場。   1608年(萬曆三十六年),致美齋醬園喺城內城隍廟對面創辦。

1735-1795年(乾隆年間),老字號酒樓福來居,已喺惠愛東城隍廟外營業,渠嘅酥鯽魚、手撕雞、紅燒魚頭較為出名。

1851-1861年(清咸豐年間),番禺鐘錦泉喺惠愛八約(今中山四路)開設咗新以泰, 店內設有印刷工廠同毛筆加工場,產品多係自產自銷,兼營裝訂書籍等業務。

1875年(清光緒元年),由食檔仔做起嘅陳惠如,喺惠愛街創辦咗惠如樓。

1879年(清光緒五年),工人出身嘅袁迪喺惠愛街(今中山四路)創辦咗妙奇香酒家。

1914年,澳洲華僑蔡興、蔡昌喺惠愛街與雙門底(而今嘅北京路)十字街口起咗間“城內大新公司”,嗰陣叫「大新公司支店」,除經營百貨外,仲有天臺遊藝場,入邊有埋酒業部、飲冰室、浴室等。(1918年又喺西堤起咗規模更大嘅“城外大新公司”)。

1919年,惠愛街拓寬改建做近代馬路,兩邊起騎樓,改名做惠愛東、中、西三路(而今嘅中山四、五、六路)。1921年,向東開闢大東路(而今嘅中山三路);1925年,起好百子路(而今嘅中山二路)。1926年,起咗連接東山口黃埔嘅中山公路,因為條路係按照孫中山建國方略》入面嘅“實業計劃”諗法來起,所以叫爾個名。

1921年,西園酒家喺惠愛西路開業,係一座園林式酒家,號稱廣州四大園林酒家(另外三個:文園、南園、謨觴)之一。西園有一道齋菜鼎湖上素,據話係為同六榕寺附近一家齋菜館競爭,西園暗中用雞同豬肉來整上湯烹調,整得好味到唔少食家都來試下。

1926年明星戲院(後改名成明星映畫院、新星電影院)喺惠愛中路開業。

1929年,當局接收咗惠愛東城隍廟一帶,開始改造成國貨市場。1931年,國貨市場正式啟用,分為「國貨陳列室」、「國貨商標展覽」同「國貨推銷場」三個部分。原來嘅城隍神像就分別畀中山大學博物館同越秀山市立博物館收藏咗。

1931年陳濟棠主政廣東嗰陣,開始搞西南鐵橋(而今嘅珠江大橋道)來連到粵西,並規劃由正西門開闢馬路通到去鐵橋。長庚路(而今嘅人民路)至光復北路一段叫石崗街,再向西係聚龍東路(光復北路至康王直街,今康王北路)、恩龍大街(到陳家祠門口)、陳家祠馬路(陳家祠門口起至到今日嘅中山八路荔灣南約)同荔灣南約馬路(荔灣南約起至到南岸車站,今中山八路),其中長庚路至荔灣路屬於今日嘅中山七路,原陳家祠馬路一段同荔灣南約馬路屬於而今嘅中山八路。

1932年新華影畫院(1957年改建成廣州第一家身歷聲寬銀幕電影院)喺惠愛中路開業。

1933年因市政經費緊缺停建,其後抗日戰爭爆發,廣州淪陷,嗰段新路直到抗戰勝利都未搞掂,因為路面爛蓉蓉,所以大家都叫佢做“爛馬路”。1940年代後期,原中山公路西段(東山口至楊箕)改名做中山一路,而百子路、大東路、惠愛東、中、西三路同正西門以西嘅新路就分別改名做中山二、三、四、五、六、七路。

1950年代,中山七路西門口陳家祠高基段幾經改造同開闢,拓寬到三聖社(而今嘅荔灣路南段一帶);1960年代,為咗配合珠江大橋通車,拓寬中山八路,一直通到去珠江大橋東廣場。

騎樓[編輯]

畀毀建築字號[編輯]

20世紀90年代尾,時廣州市長黎子流主導建設地鐵一號線,由於啲舖頭冇自有業權,畀當局輕易清拆咗中山四、五路嘅大量舖頭騎樓,包括:

新華戲院,華北飯店,北園,雞林(食檔),惠如樓(九如(茶樓)「九條魚」之一),精益眼鏡店,一樂也理髮店, 妙奇香酒家,新陶芳酒樓,艷芳照相館(異址營業),永華家俱商場,孔旺記,劉富興飯店,大學鞋店,鶴鳴鞋店,亨得利鐘錶,滄洲臘味,菜根香,東江飯店,利南樓,新星戲院、致美齋(唯一回遷,鋪面大幅縮水)等。

同佢交匯嘅路[編輯]

由西至東數過嚟,粗體字表示主幹道

交通[編輯]

以下呢坺字,加粗咗嘅字係轉車嘅地鐵車站。

陳家祠站西門口站公園前站農講所站烈士陵園站東山口站楊箕站
公園前站
中山八站楊箕站
東山口站

鄰近建築(由西向東)[編輯]

---中山八路---

---中山七路---

---中山六路---

---中山五路---

---中山四路---

---中山三路---

---中山二路---

---中山一路---

座標: 23°7′41.4″N 113°15′37.72″E / 23.128167°N 113.2604778°E / 23.128167; 113.2604778