中環街市

出自維基百科,自由嘅百科全書
跳去導覽 跳去搵嘢
中環街市(2021年)
中環街市(2005年)

中環街市香港古蹟之一,喺中環屋宇樓高三層,分地下、一樓同二樓,原本做開街市,後尾地下同一樓廢置多年,如今化身商場食肆為主。古物古蹟辦事處評為三級歷史建築,香港現存唯一全座完整包浩斯建築風格。英文名Central Market香港日治時期,曾改名中央街市,此後有時用依個名。

成棟依山而起,南高北低,故此南面少一層。四面都係。南為皇后大道中93號,北為德輔道中80號,東為域多利皇后街,西為租庇利街。街市喺皇后大道嗰邊,有個公廁,喺香港都算歷史悠久。

中環今日商業佔大部份,然而舊時大街小巷,都有好多居民住喺度,故此設立街市。未有依棟街市之前,中環已經有街市。一九三九年落成開張,原為市政局經營,市政局廢局後,街市二〇〇三年廢置,打算拆咗佢。後尾古蹟考慮後,並無結論,二樓仍有舖頭營業。二〇一七年翻新改裝,二〇二一年八月廿三號經華懋重新以商場營運。

舊底德輔道中嗰邊,佢對面為中環消防總局,局拆咗之後,變成恒生銀行總行大廈,於是有行人天橋,南駁中區行人天橋走廊,北駁街市上層。而街市另一邊,又駁去中環至半山自動扶手電梯。故此中環街市身兼走廊一部份。

交通[編輯]

港鐵中環站香港站