中華人民共和國對外黑客攻擊

出自維基百科,自由嘅百科全書
跳去導覽 跳去搵嘢

有唔少國家嘅政府,都有指控中國政府或用戶,話佢哋對外國嘅公司、大學和政府機構,盜取知識產權和機密商業信息,包括傳染病研究等等,以圖令中國繞過漫長同耗費資源巨大嘅研發過程。有啲政府甚至會對一啲中國公民作出拘捕行動[1][2]。綜合唔同嘅報導,受害國家包括美國奧地利柬埔寨加拿大德國印尼馬來西亞愛爾蘭挪威沙特印度南非瑞士英國,而行業就包括航天、國防、教育、政府、衛生、生物製藥同海事[1][3][4]。而APT41,就係其中一個專門幫中國政府從事間諜行動嘅駭客集團[5]

除咗應對外國之外,呢啲手段亦用嚟對付異見人士。

對外攻擊發展[編輯]

有部分觀點認為,來自中國嘅網絡攻擊早喺2009年就已經公開化。2009年10月,美國中國經濟和安全事務委員會就曾經向國會提交《中國實施網絡戰和計算機網絡應用能力》報告,警告美國要警惕中國嘅網絡間諜活動[3]

雖然喺2015年,美中兩國領導人簽訂咗網絡安全協議,情況一度有所改善,但同時仍然有公司表示,繼續被中國黑客襲擊。亦有美國嘅網絡安全公司分析話,中國嘅網絡間諜活動並無收斂[6]。另外,中國喺中美貿易戰入面亦曾經使用呢啲手段,美國公司同政府部門網站進行間諜活動[7]

例子[編輯]

喺武漢肺炎疫情期間,有由中國政府支持嘅黑客團體,曾經向歐洲醫院同印度疫苗製造商嘅系統進行攻擊,意圖獲取佢哋嘅數據[8][2]

對付記者、維權同異見人士[編輯]

  • 2015年香港區議會選舉,有至少有20名民主黨成員嘅電郵喺區議會選舉前遭來自中國IP地址嘅黑客攻擊。美國網路保安公司FireEye話,呢啲攻擊嘅手段主要係用嚟攻擊中共政府嘅監視對象,畀當局可提早知道泛民主派計畫示威等資訊[9]
  • 喺2016年-2021年期間,香港民主運動人士黃之鋒陳志全梁頌恆涂謹申劉小麗陳健民等,都多次引述Google發畀佢哋嘅警告表示,自己嘅Gmail戶口受到某啲政府支援嘅黑客攻擊,嘗試竊取密碼。而佢哋都不約而同暗示,覺得呢啲攻擊來自中國[10][11]
  • 2021年3月,一啲中國黑客被Facebook揭發入侵境內外維吾爾人士,包括記者、維權同埋異見人士等嘅電腦同埋智能電話,佢哋透過植入惡意程式,以對目標對象進行監視[12]

外國政府同公司嘅行動[編輯]

美國對呢啲行為採取強硬態度:

  • 喺2021年7月,美國就起訴咗4名中共海南省國安廳嘅特工,指控佢哋從2011到2018年針對美國同其他國家嘅幾十個公司、大學同政府機構,盜取知識產權同機密商業信息,包括傳染病研究等等[1]
  • 另外,喺2021年3月,中國黑客入侵微軟Exchange嘅伺服器之後,美國白宮嘅國家安全委員會亦即時下令微軟採取行動作出補救[13]

Facebook喺2021年揭發中國黑客針對維吾爾族人嘅黑客攻擊之後,立即封鎖有關黑客嘅帳戶[12]

中國回應[編輯]

中國外交部同一啲被指控嘅政府組織或大學多數採取否認嘅態度。外交部發言人華春瑩曾經喺2018年7月嘅時候話中國反對任何網絡攻擊[7]

參考[編輯]

  1. 1.0 1.1 1.2 "美国起诉4名中共特工主导黑客攻击 长期入侵多国电脑系统偷盗机密". 美国之音 (中文). 喺2021-07-20搵到.
  2. 2.0 2.1 "路透社報告:中國黑客鎖定印度疫苗科技系統". RFI - 法國國際廣播電台 (中文). 2021-03-01. 喺2021-07-20搵到.
  3. 3.0 3.1 "分析:中美網絡戰,誰未準備好? - BBC中文網 - 評論". www.bbc.co.uk (中文). 喺2021-07-20搵到.
  4. "为何不能指认中国?解读澳洲近期遭遇的网络攻击". www.abc.net.au (中文). 2020-06-30. 喺2021-07-20搵到.
  5. "FireEye:無視疫情散布,中國駭客攻擊散布在逾20個國家的Citrix與Zoho漏洞". iThome (中文). 喺2021-09-10搵到.
  6. "中國是否信守承諾減少了針對美國的黑客攻擊?". 美國之音. 喺2021-07-20搵到.
  7. 7.0 7.1 姜庚宇 (2018-08-17). "路透社:中國黑客曾攻擊美國多家網站 或與貿易談判有關". 香港01 (中文). 喺2021-07-20搵到.
  8. "疫情期间 中国网络攻击欧洲医院". Radio Free Asia (英文). 喺2021-07-20搵到.
  9. 陳秋穎 (2015-12-02). "路透揭秘:中國黑客攻擊香港泛民(圖) - 時事追蹤". 看中國 (中文). 喺2021-07-26搵到.
  10. "【網絡安全】黃之鋒指電郵被意圖入侵 Gmail:入侵者或受到某些政府支援 - 香港經濟日報 - 即時新聞頻道 - 科技". inews.hket.com. 喺2021-07-26搵到.
  11. 周詠雯 (2016-11-23). "梁頌恆涂謹申陳健民收Google通知:官方黑客正嘗試盜取密碼". 香港01 (中文). 喺2021-07-26搵到.
  12. 12.0 12.1 "Facebook 封鎖大量中國黑客假帳號 監視維吾爾人手機電腦". 香港 unwire.hk 玩生活.樂科技 (中文). 2021-03-26. 喺2021-07-26搵到.
  13. "中国黑客侵入微软系统 白宫:用户须立即修复 - 大纪元". 大纪元 www.epochtimes.com (中文). 2021-03-07. 喺2021-07-20搵到.