中華人民共和國政治
| 中華人民共和國 |
 呢篇文係關於 |
|
|
| 中華人民共和國憲法 習近平思想 / 習語錄 最高領導人 / 習核心 |
 中國共產黨 |
|
|
 中華人民共和國政府 |
|
|
| 地方行政區 |
| 統一戰線 |
|
| 民主黨派 |
| 選舉 |
| 睇埋 |
| 一國兩制 香港政治 / 澳門政治 |
| 兩岸關係 中華民國政治 / 台灣政治 |
|
類:國政 • Portal:政治 |
中華人民共和國政治包含中華人民共和國嘅國體同政體，中華人民共和國係一個由中國共產黨一黨專政實行極權統治嘅社會主義國家[1]，政治權力集中喺中共中央總書記手上[2]。香港同澳門嘅政治體制按照「一國兩制」方針，表面上實行同中國大陸唔一樣嘅政治制度，實質上仍然係由中共完全掌控嘅獨裁政權[3]。
依照憲法，中華人民共和國國體係工人階級領導嘅、以工農聯盟為基礎嘅人民民主專政社會主義國家[4]；中華人民共和國亦係美蘇冷戰結束之後，世界上少數由共產黨一黨專政、宣揚共產主義嘅國家[5]。中國共產黨喺馬克思列寧主義基礎上提出咗毛澤東思想、鄧小平理論、「三個代表」重要思想、科學發展觀、習近平新時代中國特色社會主義思想等指導思想[6]，遵循人民民主專政、中國特色社會主義同社會主義市場經濟等方針[7]。
中華人民共和國政體依照《中華人民共和國憲法》實行人民代表大會制度[8][9]，全國人民代表大會係名義上嘅國家最高權力機關，閉會嗰陣由全國人民代表大會常務委員會代行大部分職權，實行民主集中制[4][10]。政府重大施政由中國共產黨中央委員會所主導[a]，閉會期間就由中央政治局、常務委員會同總書記主導兼行使職權[13]。喺實踐中，中國共產黨領導各級行政機關、立法機關、司法機關、監察機關、人民團體、企事業單位同宗教團體等組織[14][15]。國家主席係象徵性同禮儀性嘅國家代表，主席職務本身並冇實權，全國人大常委會集體行使國家元首嘅職權[16]。
全國人民代表大會係中華人民共和國憲法規定嘅最高國家權力機關，設有全國人民代表大會常務委員會，選舉產生兼監督行政機關（國務院）、監察機關（國家監察委員會）、審判機關（最高人民法院）、檢察機關（最高人民檢察院）、國家軍事機關（中央軍事委員會）等機構。
中共中央政治局常委會係中國最高領導層，第二十屆由七人組成，包括習近平、李強、趙樂際、王滬寧、蔡奇、丁薛祥、李希。與此同時，習近平做咗中共中央總書記之後削弱咗中共中央政治局嘅集體決策職能，中共變咗總書記獨裁制[17]。
註釋
[編輯]- ↑ 憲法序言同第一條仲提到中國由中國共產黨領導[4]。中國共產黨中央委員會總書記同中國共產黨中央軍事委員會主席喺1990年代開始兼任中華人民共和國主席職務，令到最高領導人擁有名義上國家元首嘅身份代表國家。[11][12]。
參考
- ↑ 〈剖析習近平「新極權主義」 邱垂正：最終目的是併吞台灣完成統一〉。《自由時報》。2025-03-06。喺2025-03-06搵到。
- ↑ 〈掌權10年 學者：習近平愈加強化極權制度〉。《中央通訊社》。2023-12-04。喺2023-12-04搵到。
- ↑ 〈民主黨今解散 楊森稱象徵香港倒退至專制 仍望北京重新開放地推「一國兩制」〉。《法國國際廣播電台》。2025-12-14。喺2025-12-14搵到。
- 1 2 3 楊立傑. 第五屆全國人大歷次會議. 新華網. 2002年2月20號 [2016年3月24號] （大陸簡體）.
- ↑ 人民網. 黨嘅最終目標係乜嘢？共產主義社會有邊啲基本特徵？ 互聯網檔案館嘅歸檔，歸檔日期2016年3月12號，.. 中國共產黨新聞網. 2007年9月1號 [2016年1月22號] （大陸簡體）.
- ↑ 白墨. 「四個全面」：習近平為「中國夢」解夢 互聯網檔案館嘅歸檔，歸檔日期2015年7月24號，.. 英國廣播公司新聞網. 2015年2月25號 [2016年1月22號] （香港繁體）.
- ↑ An. Xi reiterates adherence to socialism with Chinese characteristics 互聯網檔案館嘅歸檔，歸檔日期2013年12月6號，.. 新華網. 2013年1月5號 [2016年1月22號] （英文）.
- ↑ 翟小波. 翟小波：代議機關至上嘅人民憲政――我國憲法實施模式嘅解釋性建構：以憲法觀、行憲歷史同條文類型化為基礎. 公法評論網. 2007年9月1號 [2016年1月22號] （大陸簡體）.
- ↑ 3、點樣理解國體同政體嘅含義同關係？ 互聯網檔案館嘅歸檔，歸檔日期2016年1月26號，.. 全國中小學教師繼續教育網網路培訓課程. [2016年1月22號] （大陸簡體）.
- ↑ 楊立傑. 中華人民共和國憲法 互聯網檔案館嘅歸檔，歸檔日期2016年4月14號，.. 新華網. 2004年9月16號 [2016年1月22號] （大陸簡體）.
- ↑ 〈第五章 中國大陸領導體制嘅演變〉 (PDF) (繁體中文)。國立政治大學。原先內容歸檔 (PDF)喺2014年10月13號。喺2016年1月22號搵到。
- ↑ Who’s Who in China’s New Communist Party Leadership Lineup 互聯網檔案館嘅歸檔，歸檔日期2016-02-09.. 彭博新聞社. 2012年11月15號 [2016年1月22號] （英文）.
- ↑ 謝淑麗. China’s Next Leaders: A Guide to What’s at Stake 互聯網檔案館嘅歸檔，歸檔日期2015年5月22號，.. China File. 2012年11月13號 [2016年1月22號] （英文）.
- ↑ 江澤民. 《江澤民文選》第1卷. 中國北京: 人民出版社. 2006年8月1號: 第112頁. ISBN 978-7010056746 （大陸簡體）.
- ↑ 讓黨旗喺民營企業中高高飄揚 互聯網檔案館嘅歸檔，歸檔日期2013年12月5號，.. 中國共產黨新聞網. 2013年11月29號 [2016年1月22號] （大陸簡體）.
- ↑ 楊亞楠. 揭秘國家主席同總理職權:主席係虛職 總理行實權. 《大公報》. 2013年3月15號 [2016年1月22號] （大陸簡體）.
- ↑ 〈中國觀察：政治局會議減少疑雲〉。《星島日報》。2023年6月15號。原先內容歸檔喺2023年6月16號。喺2023年6月16號搵到。｢尤其經過10年執政，領袖喺黨內地位『定於一尊』，一錘定音，集體決策客觀上係弱化咗。｣