中華人民共和國第十五屆運動會
中華人民共和國第十五屆運動會，簡稱第十五屆全運會、十五運會，喺2025年11月9號至21號，由廣東省、香港同澳門聯合主辦[1]。同時，廣東省係繼第六屆全國運動會同第九屆全國運動會之後，第三次舉辦全國運動會，而香港同澳門就係第一次舉辦全運會，亦係全運會史上第一次由多個行政區聯合主辦。
申辦過程
[編輯]2021年6月，國家體育總局正式發布展開第十五屆全國運動會申辦工作嘅通知[2]。
湖南省早喺2018年已經啟動第十五屆全運會嘅申辦工作[3]，但最終並未正式向體育總局遞交申辦材料。
另外廣東省亦有意牽頭，同香港及其他大灣區城市以「粵港澳大灣區」名義角逐第十五屆全運會嘅主辦權[4]。2021年8月21號，國務院辦公廳發通告，同意由粵港澳三地政府共同主辦第十五屆全運會[5]。呢次亦開啟咗聯合主辦全運會嘅序幕，為之後嘅長三角、京津冀（北京市、天津市、河北省）、湖廣（湖北省、湖南省）、中國東北地區等多地聯合主辦，提供重要嘅參考。
形象
[編輯]2024年11月9號，十五運會嘅主題口號、會徽、吉祥物亮相[6]。
會徽
[編輯]十五運會會徽，以「繁榮、包容」為意義，擷取禮花綻放瞬間，由三朵花瓣交疊旋轉形成圖案，通過提取花朵外形同色彩，環繞花心螺旋圍合一體，形成同心禮花，寓意粵港澳大灣區交融互通、活力無限，背靠祖國、綻放世界。
吉祥物
[編輯]十五運會吉祥物以國家一級保護野生動物、「海上國寶」中華白海豚做原型，取名為「喜洋洋」同「樂融融」。
攷
[編輯]- ↑ 林濤 (2024-04-11)。〈第十五屆全國運動會舉辦時間定了！2025年11月9日在廣州開幕〉。《南方網》。原先內容歸檔喺2024-04-11。喺2024-04-11搵到。
- ↑ 〈體育總局辦公廳關於開展第十五屆全國運動會申辦工作的通知_國家體育總局〉。www.sport.gov.cn。原著喺2021-06-14歸檔。喺2021-08-01搵到。
- ↑ 〈湖南問計於民申辦第十五屆全運會-新華網體育〉。www.xinhuanet.com。原著喺2021-08-01歸檔。喺2021-08-01搵到。
- ↑ 陶嘉心 (2021-08-01)。〈01獨家：香港參與角逐2025全國運動會主辦權 料夥拍大灣區城市〉。《香港01》 (香港中文)。
- ↑ 〈國務院辦公廳關於同意廣東、香港、澳門 承辦2025年第十五屆全國運動會的函〉。《中國政府網》 (簡體中文)。2021-08-21。原著喺2021-08-26歸檔。喺2021-08-26搵到。
- ↑ 〈"喜洋洋""樂融融"亮相！十五運會和殘特奧會主題口號、會徽和吉祥物揭曉〉。十五運會組委會。2024-11-09。原先內容歸檔喺2024-11-30。喺2024-11-09搵到。