中西區海濱長廊西區副食品批發市場段
中西區海濱長廊西區副食品批發市場段，香港公園之一，遊樂場之一，中西區海濱長廊中一段，喺西營盤到石塘嘴，按市場地埗，就豐物道八號，西區副食品批發市場海邊，英文叫Central and Western District Promenade - Western Wholesale Food Market Section。行政上歸中西區。二〇一八年四月廿八號開張[1]，設施有寵物共享公園，以及洗手間並設有暢通易達洗手間、狗糞收集箱。公園全日開放，而五號碼頭臨海地段，則開朝七晚十一。歸康樂及文化事務署管。
依段範圍，有市場大樓臨海走廊，以及市場閒置碼頭四個。
其他兩截，一截中西區海濱長廊中環段，喺中環。另一截中西區海濱長廊上環段，喺上環。
初時並唔放得狗，後尾實行寵物共享空間，公園唔少地方都放得狗。
史[編輯]
二〇一三年，時任行政長官梁振英，發表施政報告，推出社區重點項目，支持區議會搞啲社區項目。而中西區區議會就經咨詢，二〇一三年三月廿一號，通過活用市場海皮。之後再經地方討論，決定用途。二〇一六年一月開工。二〇一七年七月，康樂及文化事務署依則提議現名[2]。
二〇一八年四月廿八號，公園落成，時任行政長官林鄭月娥主持開幕[1][3]。
布局[編輯]
公園呈長條形，並以碼頭伸出四支，佔地五千二百平方米。海濱長廊，約莫長四百米，闊六米半。另有碼頭四個[2]。
一號碼頭，名為孩子遊園地，即兒童遊樂場，設施兩組。一組畀實齡兩到五歲，另一組五到十二歲[2]。前者為箱形組合滑梯，後者為船形組合，有擒石同滑梯。
二號碼頭，名為木板空間，用來搞活動，有供電，搞大型都得[2]。
三號碼頭，名為草地，就真係有草地[2]，有健身器械一組，有得擺展品。原本所有碼頭都有起重機兩座，全部拆咗佢，除咗依處保留一座。
四號碼頭，名為碼頭臨海設施，主要畀人釣魚[2]，兩側亦有斜道落水。
五號碼頭，並唔入公園範圍，行人止步，由漁農及自然護理署管。佢同市場之間，留有通道，歸入公園，以方便由捐山窿公園入去，但有時限。
海濱長廊，沿途有樹有花草，有座椅，有蔭棚，有健身器械三組，兩頭有洗手間[2]，並設育嬰室。近洗手間各有出口。中間有市場緊急出口幾道。至西有小食亭，臨近無名馬路出口。