中間名

中間名（英文：middle name）係人名一類，淨係非漢字名先有，亦唔係所有非漢字語言都有，英文人名常見，但係又唔係人人有，有嘅話亦未必係得一個，而可能多過一個。寫全名嘅時候，唔係擺頭，又唔係擺尾，擺中間嗰個或者嗰啲就係中間名。

一個人有中間名可以有唔同原因，例如啤啤改名嗰陣，唔同長輩對個啤改乜名有唔同意思，為求折衷，所有名用哂，個啤就變咗有至少有一個中間名；又或者領堅振嗰陣改多咗個聖名，新嗰個就變咗中間名；又或者嫁咗，本姓擺喺夫姓前面，如果唔用連接號，本姓就變咗中間名；又或者嗰個人喺自己族裔嘅語言入面有唔同嘅名，放埋喺英文名一齊用，其中一個就變成中間名，等等。

中間名通常平時唔會用，但係有啲人中意個中間名多啲，反而平時係用中間名。

書目

• 貝立棠 (2022年10月18日)。〈在英國，名字作為一種身份政治〉 (香港中文)。CUP媒體。原著喺2022年10月17號歸檔。喺2025年5月19號搵到。