丹尼士喝采

出自維基百科,自由嘅百科全書
丹尼士喝采
Dennis Jubilant

丹尼士喝采
製造廠丹尼士車廠
邊道出英格蘭Guildford
取代咗
製造年份1977年—1981年
主要對手利蘭勝利二型
規格
9.7米
2.5米
4.4米
引擎吉拿6LXB
波箱Voith DIWA851

丹尼士喝采(Dennis Jubilant),又譯成丹尼士祖比倫或者丹尼士喜悅,係英國丹尼士車廠喺1977年至1981年出嘅前置引擎雙層巴士。呢款車係針對當時香港嘅路面環境同埋一人控制模式而設計。

喝采型巴士底盤有移後咗少少嘅前軸,令道窄前門可以擺喺前輪跨上面,同埋有加強咗嘅車陣。佢可以配吉拿6LXB引擎同埋Voith DIWA851波箱。

訂單[編輯]

香港九龍巴士喺1977至1978年間接收咗4個喝采型巴士底盤,佢哋配九巴自己整嘅車身(用英國鋁材公司車身散件)。之後九巴喺1979至1981年出咗209架配亞歷山大KB車身嘅普通版喝采型巴士,再喺1981至1982年間出咗150架配都普金屬部分車身嘅普通版喝采型巴士。

香港中華巴士喺1980年出咗30架配亞歷山大CB車身嘅喜悅型巴士。

另外有一架喝采型巴士運咗去南非開普敦行,配Bus Bodies (South Africa) Limited車身。

冷氣版[編輯]

九龍巴士喺1980年接收咗一架喝采型冷氣客車,配亞歷山大KB車身,冷氣機係由另一副擺喺車尾嘅引擎行,而主引擎嘅油缸就由左尾轆後面移咗去右尾轆前面。不過架車嘅冷氣被認為係唔可靠,最終副冷氣機喺1983年拆走咗,改為冇冷氣嘅客車。後來架車再降格做巴士。

退役[編輯]

中巴其中一架喜悅型巴士(車隊冧巴DS14)喺1993年焚燬而退役,其餘29架喺1998年9月1號中巴專營權完咗之後賣咗畀新世界第一巴士,佢哋喺1999年8月或之前俾新車取代。

九巴亦有一兩架喝采型巴士提早退役,而其他嘅就喺1994年開始退役。喺喝采型巴士逐步退役嗰時,有啲巴士接替咗車隊內利蘭勝利二型(丹尼士喝采嘅競爭對手)嘅地位。最後一架喝采型巴士喺2000年1月退役。

之前嘅「丹尼士喝采」[編輯]

丹尼士喺1940至1960年代出過一款叫Jubilant嘅三軸及四軸貨車。