跳去內容

乂丁巨人

出自維基百科,自由嘅百科全書

乂丁巨人ngaai6 ding1 geoi6 jan4(Ettin,又或者Etten)係一種蘇格蘭地區傳說中﹑有幾個頭嘅巨人。佢哋源自北歐神話約頓巨人(Jötunn,又叫冰霜巨人),尤其係同樣性情狂暴、身形龐大嘅山巨人。

由於技術問題,好多早期嘅電子遊戲(例如Ultima系列)都會將乂丁巨人整成有兩個頭嘅怪物。所以打後嘅作品都當乂丁巨人剩係得兩個頭,中文都直接譯做「雙頭巨人」。但其實喺民間傳說,乂丁巨人大多數都有3至9個頭。[1]

紅髮乂丁巨人嘅傳說

[編輯]
乂丁巨人所養嘅怪物

紅髮乂丁巨人(英文The Red Ettin)嚟自愛爾蘭嘅巴利岡(Ballygan),佢有三個頭,仲有一個養咗好多綿羊山羊同豬嘅牧場。巨人養咗一種兩個頭、四隻角嘅怪物,幫佢看守住牧場。

乂丁巨人嘅嗅覺好靈敏。只要有人匿埋喺附近,巨人就即刻可以搵到佢哋。當捉到啲人嗰陣,佢就會威脅要將佢哋個挖出來,夾麵包食。不過只要答到三條問題,就可以走得甩。

「有啲咩係用唔完嘅?」

「有啲咩係愈細愈危險嘅?」

「喺咩情況下,死物會載住生物?」

如果答唔到啱嘅答案嘅話,就會俾巨人用敲擊,即刻變成石柱。

故事嘅主角為咗拯救俾巨人變成石柱嘅哥哥,佢帶住一個媽媽畀佢、受祝嘅麵包去紅髮乂丁巨人嘅城堡。途中佢遇到一個老婆婆,囈主角分少少麵包俾佢。樂於助人嘅主角應承咗佢嘅要求。老婆婆就現出佢嘅真身,精靈。精靈送咗一支魔杖俾主角,話俾佢知乂丁巨人嗰三條問題嘅答案。

到咗目的地之後,乂丁巨人就問嗰三條問題。主角就根據精靈嘅指引,依次答出「碗」「橋」「一艘船載人出海嗰陣」三個答案。巨人就即刻冇曬力,趴咗喺度。主角就攞起巨人嘅斧頭,將佢嘅三個頭斬落嚟。

之後,主角就救咗俾巨人困住咗嘅貴族仔囡,當中就包括聖高隆嘅門徒、蘇格蘭王馬爾康·聖科倫巴嘅公主。主角唔單止救咗公主,仲用魔杖解救變咗石柱嘅哥哥。後嚟,主角同蘇格蘭王嘅公主結婚,佢嘅哥哥亦都同其中一個貴族個囡相愛,過住永遠幸福快樂嘅生活。

睇埋

[編輯]
呢幅畫描繪雷神托爾(Þórr;右手邊)同冰霜巨人(左手邊)大戰。

參考

[編輯]
  1. 健部伸明 (2008年02月19日). . 奇幻基地. ISBN 978-986-6712-13-5.