九號烈風或暴風風力增強信號

九號烈風或暴風風力增強信號

九號烈風或暴風風力增強信號，亦叫九號烈風或暴風增強信號，俗名九號風球或者九號波，係香港第二高級別熱帶氣旋警告，代表預測風力將較八號烈風或暴風信號（烈風到暴風程度）顯著加強，並可能將會受颶風影響要發出十號颶風信號。

九號之最

最早九號

• 1961年颱風愛麗斯，喺5月19日08:35至10:30懸掛，掛咗1個鐘55分鐘，懸掛同除下時間都係夏令時間，亦都係唯一一次要喺5月發出九號。

最遲九號

• 1954年超強颱風柏美娜，喺11月6日10:15至15:00懸掛，掛咗4個鐘45分鐘，亦都係唯一一次要喺11月發出九號。

最長九號

• 2008年颱風鸚鵡，喺8月22日13:40至8月23日00:40發出，發咗11個鐘。

最短九號

• 1979年超強颱風荷貝，喺8月2日12:35至13:00懸掛，掛咗25分鐘，之後掛埋十號颶風信號，懸掛同除下時間都係夏令時間。

最遠九號

• 用發出嗰陣係2018年超強颱風山竹，發出九號信號嗰陣離香港200公里。
• 用最接近香港嗰陣計係1974年颱風嘉曼，10月19日當嘉曼向西北方向直指香港之際，天文台懸掛九號信號。不過九號信號懸掛後，嘉曼受東北季候風影響開始減弱同埋轉向西移離香港，喺香港西南偏南約130公里掠過，係惟一唔係正面襲港而要發出嘅九號信號。