九龍巴士32線

九龍巴士32線
管理資訊
經營者	九龍巴士
派車廠	荔枝角車廠（L）
現時常用車	亞歷山大丹尼士Enviro 500
用車數量	7
路線資訊
起點站	石圍角
主要途經地點	象山邨、梨木樹、北葵涌、長沙灣、深水埗、旺角
終點站	奧運鐵路站
全程行駛里程	13.3公里
全程行車時間	51分鐘
服務資訊
起點站 服務時間	05:50－23:35
終點站 服務時間	星期一至星期六：06:15－00:20 星期日同公眾假期：06:15-00:25
班次頻率	15－27分鐘一班
全程收費	HK$6.8
分段收費站點 （去程）	蝴蝶谷道往奧運鐵路站：HK$6.2 上海街往奧運鐵路站：HK$5.1
分段收費站點 （回程）	美孚（青山道饒宗頤文化館對面）往石圍角：HK$5.6
服務時間以外 替代路線	紅色小巴
主要競爭交通	31B（石籬（大隴街）↔奧運鐵路站） 35A（安蔭↔尖沙咀東） 36B（梨木樹↔佐敦（渡華路））

九龍巴士32線係香港一條日間巴士線，來往石圍角及奧運鐵路站。

歷史

• 1981年9月7號：為配合石圍角邨落成，本線前身32M線投入服務，提供石圍角、象山邨、梨木樹、石蔭邨、石籬邨、青山公路一帶來往長沙灣、旺角及大角咀嘅巴士服務。
• 1982年5月16號：為配合地鐵荃灣綫全線通車，本線延長至大角咀碼頭，並改叫32線。
• 1989年12月29號：為配合起城門隧道而實施嘅新交通管理措施，本線來回程改經二陂圳路及三棟屋路，唔再經象鼻山路。
• 1995年5月8號：本線搬去大角咀新填海區嘅臨時總站。
• 1998年7月19號：本線為配合奧運站（而家叫奧運鐵路站/奧運港鐵站）巴士總站啟用搬去嗰處。
• 2001年12月23號：往石圍角方向，改經櫸樹街、晏架街、槐樹街同福全街，唔經亞皆老街同新填地街。
• 2004年10月2號：本線開始派冷氣巴士行。
• 2008年7月24號：往石圍角方向，改為由大南西街直入長沙灣道，唔經長義街同長荔街。
• 2011年8月1號：本線改晒用冷氣巴士行。

行車路線

• 去奧運鐵路站：石圍角路，二陂圳路，三棟屋路，和宜合交匯處，象山邨西路，支路，象山邨東路，象山邨西路，和宜合交匯處，和宜合道，大隴街，石梨巴士總站，大隴街，和宜合道，青山公路，蝴蝶谷道，荔枝角道（本線係現時唯一一條路線來回程都經荔枝角道長沙灣段），上海街，亞皆老街，櫻桃街及海景街。

• 去石圍角：深旺道，櫻桃街，大角咀道，未命名路，櫻桃街，櫸樹街，晏架街，槐樹街，福全街，旺角道，彌敦道，荔枝角道，大南西街，長沙灣道，天橋，青山道，和宜合道，和宜合交匯處，象山邨西路，支路，象山邨東路，象山邨西路，和宜合交匯處，三棟屋路，二陂圳路及石圍角路。

車站一覽

奧運鐵路站方向			石圍角方向
車站	車站名	位置	車站	車站名	位置
1	石圍角總站	石圍角巴士總站	1	奧運鐵路站	奧運站公共運輸交匯處
2	東普陀	二坡圳路	2	富貴街	大角咀道
3	三棟屋村	三棟屋路	3	櫸樹街	櫸樹街
4	象山邨秀山樓	象山路	4	旺角道	旺角道
5	可風中學	和宜合道	5	基榮小學	荔枝角道
6	梨木樹邨	和宜合道	6	旺角塘尾道	荔枝角道
7	和宜合道運動場	和宜合道	7	石硤尾街	荔枝角道
8	梨木道	和宜合道	8	深水埗桂林街	荔枝角道
9	葵涌藍田街	和宜合道	9	深水埗公園	荔枝角道
10	葵涌打磚坪街	和宜合道	10	蔬菜統營處	荔枝角道
11	石籬（大隴街）	石籬（大隴街）巴士總站	11	專業教育學院黃克競分校	荔枝角道
12	葵涌石英徑	青山公路	12	荔枝角鐵路站	長沙灣道
13	葵涌業成街	青山公路	13	饒宗頤文化館	青山道
14	華員邨	青山公路	14	鐘山台	青山公路
15	蝴蝶谷新村	蝴蝶谷道	15	華員邨	青山公路
16	甘泉街	蝴蝶谷道	16	葵涌業成街	青山公路
17	大南西街	荔枝角道	17	葵涌打磚坪街	和宜合道
18	專業教育學院黃克競分校	荔枝角道	18	葵涌石宜路	和宜合道
19	麗閣邨麗籮樓	荔枝角道	19	葵涌藍田街	和宜合道
20	深水埗北河街	荔枝角道	20	和宜合道運動場	和宜合道
21	石硤尾街	荔枝角道	21	石圍角新村	和宜合道
22	深水埗白楊街	荔枝角道	22	梨木樹邨	和宜合道
23	弼街	上海街	23	可風中學	和宜合道
24	旺角街市	亞皆老街	24	象山邨東路	象山邨東路
25	銘基書院	櫻桃街	25	三棟屋村	三棟屋路
26	帝柏海灣	櫻桃街	26	海壩村	二坡圳路
27	奧運鐵路站	奧運站公共運輸交匯處	27	石圍角總站	石圍角巴士總站

客量

由於長沙灣嘅工商業區、食肆等主要地點或設施多數集中喺長沙灣道沿線同以北一帶，同一眾行經長沙灣道或青山道／元州街嘅路線相比，要途經全段荔枝角道嘅本線站位相當唔方便。另外，同大多數由奧運站／維港灣／柏景灣開去新界嘅路線（如33A、37線等）直駛櫻桃街唔同，本線回程要繞經一段大角咀內街（櫸樹街、晏架街），受到佢附近一帶嘅塞車影響，經常令去到旺角嗰陣嘅班次唔穩定，甚至有脫班問題，尤其係下晝繁忙時間。再加埋本線班次唔頻密，沿線除咗石圍角同象山邨外嘅其他服務區域有31B、35A、36A、36B線等多條班次密啲或者離目的地步程近啲嘅路線競爭，所以非繁忙時間客量只係一般。

根據《2014-2015年度巴士路線發展計劃》，呢條路線最繁忙一個鐘頭載客率係74%，而非繁忙時段嘅一個鐘頭最高載客率係30%。

用車轉變

八十年代初開線時以「雞車」利蘭勝利二型行走，期間亦有「都普金屬部分」車身嘅「黑金剛」丹尼士喝采作支援，佢哋退役後換入利蘭奧林比安11米非空調巴士（S3BL）或都城嘉慕威曼都城巴士11米（S3M）冇冷氣雙層巴士。

本線現時用7架亞歷山大丹尼士Enviro 500巴士。

昔日嘅九巴路線32

第一代32線喺1962年6月16號投入服務，往來荃灣碼頭及城門水塘。1982年5月2號被專線小巴82及九巴假日線32R取代。

參考

• 九巴32線—i-busnet.com
• 九巴32線—681巴士總站

出面網頁

• 九巴32線—九龍巴士