五倍子蚜

五倍子生喺鹽膚木。入便有一堆五倍子蚜。

五倍子蚜呢種蚜，幼蟲寄生喺某幾種樹上，令樹生出瘿叫五倍子。生物分類來講，其中一種分法，歸入綿癭蚜科子蚜屬，屬中得佢一種。後尾參照基因又有另一啲分法。

蚜會寄生喺鹽膚木、青麩楊同紅麩楊，三者都歸漆樹科。因而英文叫佢中華漆樹蚜。而佢又叫角倍蚜。

五倍子按形態分角倍、肚倍同倍花。呢種藥材，有多多癭單寧，水解單寧一種。治咳、肚痾、盜汗、痢疾同埋止腸同子宮出血 。靠滾水畧煮，又或者煮，殺蟲而成。唔止做藥，可以造染料、製革、化學工業原料。

過冬就寄生尖葉提燈蘚、側枝提燈蘚同圓葉提燈蘚。都歸提燈蘚科提燈蘚屬。營養枝，匍匐橫生，又叫匐燈蘚類。中國南方常見。鹽膚木北方都有，然而無呢類蘚，過冬就就寄生唔成。

分佈喺東亞，尤其中國。華中河南、陝西。華東江蘇、浙江、安徽、江西、湖北、湖南。華西四川。華南福建、廣東、廣西。西南貴州、雲南，另外重有臺灣，再遠去到日本、韓國都有。

蟲好細隻。有蠟腺會分泌蠟保護自己。

蚜個生態循環唔簡單，唔同季節會寄生唔同草木上面，而且䧳雄分開，亦有雙性單性繁殖。五倍子入便全部䧳蟲，秋時生翼，整穿角倍而出，移居匐燈蘚，單性繁殖，生幼蟲，然後死。幼蟲全部乸，食蘚莖，包蠟球過冬。春時又生翼，破蠟而出，移居鹽膚木，寄居樹幹皮。跟手就生幼蟲，有雄有䧳，有性繁殖生卵一粒。孵出無翼乸，幼蟲又移上樹稍搵食，刺激葉芽，包住幼蟲成蟲癭。五倍子跟蟲日漸變大。喺入便，又單性繁殖一堆雌蟲，全部無翼。而且生咗好幾代，五倍子就愈來愈大。到咗秋時，就有成千上萬，破倍而出。咁就成個循環。