第4屆香港立法會地方選區補選

出自維基百科,自由嘅百科全書
(由五區總辭跳轉過來)
Jump to navigation Jump to search
‹ 2008 • Flag of Hong Kong.svg • 2012
2010年5月16號
選舉類型 立法會
選舉制度 單議席單票制
議席數目 60
選舉席次 5

選舉統計
總投票數 579,795
  
17.19%  28.01%
五區總辭
投票數 464,561 
獲得議席 5  0
  
82.96%
大專2012
投票數 36,226 
獲得議席 0  0
  
6.47%


香港島選區喺投票日嘅競選活動進行情況
新界東一處近投票站嘅位置都張貼海報,但張貼海報嘅位置並唔顯眼

2010年香港立法會地方選區補選(又叫立法會五區總辭五區總辭五區公投)係香港特別行政區成立後第6次進行嘅香港立法會議席補選,響2010年5月16號舉行。填番響同年1月26號因參與五區總辭而辭職嘅陳淑莊梁家傑黃毓民梁國雄陳偉業分別響香港島、九龍東、九龍西、新界東、新界西嘅5個民選議席空缺,係香港立法會(局)史上頭一次同時為多過一個遺缺議席搞補選。

背景[編輯]

2009年底,泛民主派公民黨社民連兩個政黨聯合搞五區總辭運動,透過派立法會議員辭職搞補選,兩黨用爭取「儘快實現真普選、廢除功能組別」做唯一選舉議題,希望將補選當做「變相公投」畀市民投票2012雙普選。2010年1月26號,港島區陳淑莊、九龍東梁家傑、九龍西黃毓民、新界東梁國雄、新界西陳偉業正式向立法會秘書處遞辭職信,政府響2月5號刊登憲報宣佈議席空缺。全港五個選區各有一席出缺,所以補選一如以往用單議席單票制搞,但同以往補選唔同,今次補選全香港所有已登記選民都有得投票。最终五個辭職議員全部當選,但投票率得17.1%,未達目標。造成今次運動主要原因係香港冇法定嘅公投法

進程[編輯]

2009年11月22號,蘋果日報呼籲香港民主黨發憤參與。不過,民主黨冇打算參與。長毛認為民主黨咁樣唔肯辭職,會俾保皇黨同政府笑。

有唔少上次選舉意外落咗車嘅前立法會議員話,若果有補選佢哋都考慮參選。當然等成事就會表態。

2009年12月13號,民主黨大會投票8成反對,決定唔參加五區總辭,但係黨員可以用個人名義助選。

2010年1月21號,社民連用公民黨宣布辭職名單,重話喺1月26號辭職。

1月24號,五子想嚮立法會時間朗讀辭職宣言,而立法會主席曾鈺成話要審查佢哋份稿,之後重話要修改小小內容字眼先得,而長毛就唔鍾意咁,拒絕畀曾鈺誠審查份稿。

辭職個日,五子打算依時宣讀辭職。點知建制派睇過份稿,決定拉隊離場。不過,個個走,而陳鑑林就唔走,留嚮會議室要求主席點「出席人數」。

1月21號,公社兩黨宣傳今次變相公投係變相起義。重指出今次補選規矩,係正邪對決。

1月23號,自由黨自己開會後,宣告唔會參加呢次起義式補選。黨主席田北俊話,呢個變相公投等於踢足球,俾人改咗遊戲規則,話手球都得,所以田北俊認為犯規遊戲,自由黨一定拒絕參與。

2月3號,民建聯主席譚耀宗都宣佈,民建聯唔會參加呢次咁嘅「正邪對決」。

2月8號,政制及內地事務局林瑞麟宣佈,呢個補選最早會嚮2010年5月舉行。同日,南華早報有個專訪,香港特首曾蔭權話,呢次補選佢可能唔去投票。

2月9號,《文匯報》社論提出三不,對付「變相起義」。