五嶽（粵拼：ng5 ngok6）係東嶽泰山、南嶽衡山、西嶽華山、北嶽恆山同中嶽嵩山嘅總稱。佢哋係由古至今出名嘅遊歷地，同時喺中國文化當中地位好緊要，中國自古有祭祀山河嘅傳統，呢五嶽係中國最要去拜嘅大山。
喺漢朝之前，凡係古代皇帝登基或太平年歲時，都係要上泰山舉行封禪大典。不過漢武帝之後，歷代皇帝都係祭五嶽。唐朝時稱佢哋係「王」；宋朝時稱佢哋係「帝」；明朝時稱佢哋係「神」；經過歷代神化，五嶽喺中國文化中有重要代表意義，係緊要嘅文化符號。
