五祭

五祭係《舊約聖經》《利未記》入面記載嘅五種主要祭祀，係古以色列宗教儀式嘅核心部分，用嚟表達對神嘅敬畏、感恩同埋贖罪。五祭包括燔祭、素祭、平安祭、贖罪祭、贖愆祭。每種祭祀都有其獨特嘅意義同規定，顯示咗以色列人同神之間嘅關係。

類型同意義

燔祭

燔祭係燒盡嘅祭。

• 希伯來文：עֹלָה‎（ʿōlāh），意思係「升上去」。
• 目的：表示全然奉獻畀神，係對神嘅敬拜同歸榮耀。
• 程序：將祭牲（牛、羊、雛鴿）完全焚燒，無留任何部分俾獻祭者或者祭司。
• 象徵：獻上自己嘅全人全心；祭牲嘅焚燒象徵完全嘅委身。

素祭

素祭係無血之祭。

• 希伯來文：מִנְחָה‎（minḥah），意思係「禮物」。
• 目的：感謝神嘅供應，同時承認一切都來自神。
• 程序：獻上穀物、細麵、橄欖油、乳香，部分焚燒畀神，部分俾祭司食用。
• 象徵：代表人用工作成果敬拜神，表達感恩同依靠。

平安祭

平安祭感恩祭。

• 希伯來文：שֶׁלֶם‎（zevaḥ shelamim），意思係「平安」或者「和好」。
• 目的：表達感謝神嘅祝福，或者慶祝同神和好。
• 程序：獻上牛、羊或者山羊，祭牲嘅脂肪焚燒畀神，其他部分由獻祭者同祭司分享。
• 象徵：象徵同神之間嘅和平同團契，並且與其他人分享神嘅恩典。

贖罪祭

• 希伯來文：חַטָּאת‎（ḥaṭṭāʾṯ），意思係「罪過」。
• 目的：為咗潔淨罪過，同時恢復聖潔。
• 程序：按祭牲嘅血灑喺香壇或者聖所嘅指定位置，祭牲嘅脂肪焚燒，部分肉俾祭司食用。
• 象徵：祭牲代替犯錯者受罰，血嘅灑落象徵潔淨罪污。

贖愆祭

贖愆祭係補償祭。

• 希伯來文：אָשָׁם‎（ʾāšām），意思係「有罪」。
• 目的：處理因過失或者冒犯神同人而帶嚟嘅虧欠。
• 程序：獻上公羊作祭牲，並且按照具體情況賠還損失（例如補償銀錢）。
• 象徵：強調對罪嘅責任同補償，恢復神嘅律法嘅公義。

五祭共同特點

• 中心思想：五祭都係圍繞「神聖潔」同「人嘅罪性」嚟進行，目的係恢復人同神嘅關係。
• 祭司角色：所有祭祀都需要由祭司進行，祭司係人同神之間嘅中介。
• 獻祭材料：祭牲或者其他祭品（穀物、油）必須無瑕疵，象徵純潔。

新約時代嘅意義

喺基督教入面，五祭被視為預表咗耶穌基督嘅救贖工作。基督徒相信，耶穌喺十字架上嘅犧牲係完全滿足咗五祭嘅要求：

• 燔祭：耶穌完全奉獻自己。
• 素祭：耶穌係生命之糧。
• 平安祭：透過耶穌，信徒與上帝和好。
• 贖罪祭：耶穌嘅血潔淨罪過。
• 贖愆祭：耶穌補償咗人類因罪對神嘅虧欠。

參考

• 《利未記》1–7章：五祭嘅詳細規定。
• 《希伯來書》9–10章：基督如何成為終極嘅贖罪祭。