五華

出自維基百科,自由嘅百科全書
(由五華 (廣東)跳轉過嚟)
中華人民共和國廣東省五華縣
五華縣喺梅州市嘅位置
縣政府駐地 水寨鎮
面積 3226平方公里
人口 119萬
行政區類別
電話區號 0753
郵政編碼 514400
車牌代號 粵M

五華粵拼ng5 waa4;傳統外文名:Ngwa)喺中國廣東東北部,家下係梅州市。政府駐地喺水寨鎮。 五華喺廣東係客家語縣份。

政區[編輯]

2005年5月為止,五華縣有16個鎮,分別係水寨鎮、河東鎮、郭田鎮、雙華鎮、棉洋鎮、安流鎮、梅林鎮、錫坑鎮、龍村鎮、橫陂鎮、華陽鎮、周江鎮、長佈鎮、潭下鎮、岐嶺鎮、轉水鎮同埋華城鎮。

地理[編輯]

五華東便係豐順縣,南便揭西縣、陸河縣,西便紫金縣、東源縣、龍川縣,而北便係興寧市。縣面積有成3226km²。

[編輯]

五華北有五華山。東南有嵩螺山[1]

[編輯]

五華西南有龍村河永安入,東北到琴口鄉華陽水首受北琴江,東流合埋,東北到七都河口岐嶺河。河出龍川練溪,佢下流又謂之清溪;又東北流為長樂河,入興寧[1]

歷史[編輯]

北宋熙寧四年(1071年)置長樂縣,屬循州。明屬惠州。清雍正十一年時屬嘉應州。1914年長樂縣改名五華縣,縣治華城。

1949年後,先後屬興梅專區、粵東行政區、汕頭專區,1966年屬梅縣專區,1988年屬梅州市。1954年縣治搬去遷水寨鎮。

人口[編輯]

五華縣以客家人為主。

2002年人口有119萬。五華係僑鄉,海外唐人香港澳門台灣有30幾萬,個鄉下響五華。

[編輯]

全縣通用客家話,係純客家縣。

經濟[編輯]

2004年五華縣國內生產總值有32.2億元。農業主要以水稻為主,菸葉青梅種植業亦發展得好快。工業以汽車配件、製酒、製藥、五金配件等製造業為主。旅遊業旺,2004年旅遊總收入係1.1億元。

旅遊[編輯]

五華地處山區,有唔少景點有,好似西湖溫泉長樂學宮獅雄山塔湯湖熱礦泥山莊益塘水庫七目嶂自然保護區

文化[編輯]

五華縣嘅民間藝術,最出名係木偶戲採茶戲。五華重係省嘅足球訓練基地,國家體委叫佢做「足球之鄉」。五華石工藝非常出名,全國各地同東南亞都佢嘅傑作。大清中後期,五華石工曾經去過香港採石。

交通[編輯]

五華縣境有廣梅汕鐵路205國道穿過,而河梅高速公路都響2005年通車。

[編輯]

  1. 1.0 1.1 清史稿。志、地理。廣東

出面網頁[編輯]

  • .
中國 中國 廣東省梅州市五華縣政區
水寨鎮 | 河東鎮 | 郭田鎮 | 雙華鎮 | 棉洋鎮 | 安流鎮 | 梅林鎮 | 龍村鎮
橫陂鎮 | 華陽鎮 | 周江鎮 | 長佈鎮 | 潭下鎮 | 岐嶺鎮 | 轉水鎮 | 華城鎮