阿里士多德

出自維基百科,自由嘅百科全書
(由亞里士多德跳轉過嚟)
跳去導覽 跳去搵嘢
阿里士多德像

阿里士多德(希臘文:Ἀριστοτέλης前384年前322年)係古希臘哲學家,柏拉圖學生亞歷山大大帝先生,理則學、形上學嘅開創人,研究包括物理政治倫理生物,佢嘅學派同著作集當時知識嘅大成。

而家對佢嘅生活只係知得好少。阿里士多德生於希臘北部嘅斯塔基拉市。佢阿爸尼科馬修斯響阿里士多德好細個嘅時候就死咗。佢17歲或18歲時加入咗雅典嘅柏拉圖學院,響嗰度留到37歲[1]柏拉圖死咗無耐,佢就離開雅典,應馬其頓腓力二世嘅要求,喺亞歷山大大帝度開始教書[2]。佢建立咗個圖書館,令佢可以用紙捲做咗幾百本書。雖然阿里士多德為出版發表咗好多優雅嘅論文同對話,但佢嘅原始作品中只有大約三分之一幸存,冇一個打算出版。[3]

阿里士多德對物理學嘅睇法極度影響中世紀嘅學術研究。佢嘅影響力由上古晚期同中世紀早期一直延伸去到文藝復興時期,直到啟蒙運動同其他嘅理論(例如經典力學等)發展之後先被系統性噉取代。直到19世紀,大部人都唔相信阿里士多德響生物學中發現嘅一啲動物學發現,例如章魚嘅生殖器係響條鬚度咁。佢嘅作品包含咗最早已知形式嘅邏輯研究。阿里士多德對邏輯學嘅影響亦一直持續到19世紀。

佢響中世紀影響咗猶太-伊斯蘭哲學(800-1400),同埋基督教神學,特別係早期教會嘅新柏拉圖主義同天主教嘅學術傳統。阿里士多德響中世紀嘅穆斯林學者中被尊稱為「第一個先生」,而響中世紀嘅基督徒裏面,例如托馬斯阿奎那斯,就被尊稱為「哲學家」。佢嘅倫理學亦好有影響力。

[編輯]