亨利·窩士利

阿拉斯泰愛德華亨利窩士利中校，OBE（Alastair Edward Henry Worsley，1960年 10月4號—2016年 1月24號）係個英國探險家同陸軍軍官。二〇〇九年組織同埋參加追溯厄尼斯特薛克頓（Ernest Shackleton）南極探險路線，成功完成。

二〇一六年，窩士利嘗試做第一個，自己一條友去完成，冇援助之下穿過南極，最後死咗。佢係第一個人，喺無人幫手、支援嘅情況下，即係自己帶晒所有必需嘅嘢，用雙腳自己行過南極洲，行咗九百幾英里（1450 公里），由於攰得滯，身體唔舒服，喺終點前一百二十六英里（200 公里）捱唔住，要求協助^[1]。送咗去智利南面巴塔哥尼亞地一間醫院之後，因為腹膜炎，冇幾耐就死咗，享年五十五歲。