人大釋法
人大釋法，全稱全國人大常委會解釋香港基本法，係中華人民共和國常設立法機關全國人民代表大會常務委員會對最高國家權力機關全國人民代表大會所制定香港特別行政區憲制文件《中華人民共和國香港特別行政區基本法》作出立法解釋。
成文法漏洞
[編輯]中國大陸實行成文法；而香港一直用相對既普通法、衡平法系統，加上成文法作補充[1]其中就有《基本法》[2][3]。
成文法存在法律漏洞要通過立法、立法解釋或司法解釋上補充。按照《香港基本法》第一百五十八條，第一款規定全國人大常委會對《香港基本法》擁有解釋權，第二款規定人大常委授權香港特區法院審理案件時解釋《香港基本法》[4]。但人大常委幾時會行使解釋權，即涉及第三款內容，有異議。香港法律界認為，按文理解，人大釋法要先由香港特區法院做提請，香港法院提請係人大釋法先決條件[5][6]；但中共同建制派認為，人大釋法權無人可以限制。
釋法問題
[編輯]大陸法系具有集中化、以立法權為中心，法律學者會將歐陸法系同專制君主制相聯繫；而英美法系將分散化、以司法權為中心常同共和制相聯繫。
香港大學法律學院戴耀廷副教授指，釋法爭議源於中港兩地法制同法律傳統，對法律解釋理解兩極化。香港法院只從法律文本字眼上解釋，但全國人大常委會會考慮中共原意，同參考過法律條文外部資料，或因後續新的情況，為法律條文添加其他意思。 [7]
1997年開始，全國人大常委會曾先後五次對《香港基本法》作出解釋。其中，第一次同第三次由香港特區行政長官提出，第四次由終審法院根據《基本法》第一百五十八條第三款提出[8]，而第二次同第五次由全國人大常委會主動釋法。差唔多次次釋法都引起香港人爭議，被認為係破壞香港司法獨立。
參考
[編輯]- ↑ GovHK 香港政府一站通《香港便覽：香港法律制度》（PDF檔案），2011年4月
- ↑ 蔣雋。〈香港特區法律文獻資源的檢索與利用〉。《中國法學網》。原著喺2016-11-18歸檔。喺2016-11-18搵到。
- ↑ 〈成文法(STATUTE)〉。《美聯大學堂》。喺2016-11-09搵到。
- ↑ 〈《基本法》全文及相關文件，第八章: 本法解釋同修改〉。《中華人民共和國香港特別行政區》。原著喺2016-11-10歸檔。喺2016-11-08搵到。
- ↑ 〈立場新聞人大釋法懶人包〉。原著喺2016年11月21號歸檔。喺2017年10月8號搵到。
- ↑ 人大釋法「未審結先判案」，北京部署「借誓而噬」
- ↑ 〈戴耀廷：中港法律解釋與法治觀念，何以爭拗不斷？〉。《端傳媒》。2017-05-23。喺2017-07-07搵到。
- ↑ 〈司法及法律事務委員會立法會秘書處為2013 年5 月28 日舉行的會議擬備的背景資料簡介提請解釋《基本法》的程序〉 (PDF)。喺2016-11-07搵到。