代形容詞

代形容詞，代詞一種，代替形容詞，代替形容詞短語，更多時用來承接前文，用形容方式來講，減省之前講嘅嘢，唔使重覆，慳返力水。要用，必須有上文下理，先至有意思，先至有代指功用。功用同代名詞相似，祇不過對象由名詞改為形容詞。佢無代名詞咁複雜多變，好少字可以用，簡單到教科書文法都無名，收入去省畧一章。字典亦唔會呢種詞品，得語言學者研究指代，先有咁分法。佢又唔單止代替省畧，句結構都會改變。

形容詞、副詞未必分得清，有啲語言甚至唔分，或者無。咁代形容詞、代副詞，未必分得清。語言入便，代形容詞好少，唔過三幾隻字。

代形容詞，意思可以用如此來概括。廣東話有咁字，有時用來做代形容詞。畀個例，王子得到灰姑娘。咁樣，兩人就恩恩愛愛，白頭到老。咁字並唔單止代形容詞，亦會做埋代副詞。

文言個然字，就更加廣泛，就算日常用語都有用，好似雖然、然則，不然、然而、亦然等等，亦屬於代形容詞兼代副詞。英文就有such同so做代形容詞。芬蘭文有sellainen。

代形容詞用嘅字，由於語文靈活多變，好多時身兼數義，或者身兼數角色。佢同一般形容詞用法會唔同，語言學者好奇對象。

名

英文proadjective同pro-adjective都人用。

廣東話

代形容詞咁，有人寫噉，有人聲調分咁噉，後面一律用咁。有人用恁字，不過呢種唔合乎音演變。另有人認為箇物，或者寫個物，物音甩尾，合音演化成咁。江西話有個麼，麼實情都係物字化成，廣東話咁字並非孤例。箇個有指示意味，呢個就係代用由來。

意思用如此概括，同英文such有啲似。身兼代形容詞同代副詞，按句中位置而定，有可能睇成代名詞。按定義，形容詞齋用喺名詞身上，而副詞用喺其他所有情況，好似動詞、形容詞、其他副詞、甚至成句，可謂側埋呢邊。因而扮演代副詞，情況多過代形容詞。

咁樣、咁款做例，樣同款屬名詞，咁字就用來形容樣同款，角色就代指前述狀況，屬代形容詞。咁大個大形容詞，咁字企喺副詞個位，指代狀況，屬代副詞。咁行個行動詞，咁字企喺副詞個位指代，屬代副詞。

文言

然字。至常見文言代形容詞。

然字屬代形容詞，文言形容詞同副詞太相近，咁然字亦好易兼埋代副詞。例有

• 左傳成公八年。唯然，故多大國矣。

呢度解然解做如此。

• 荀子堯問。人人皆以我為越踰好士，然，故士至。

然字代替好士。

• 史記孔子世家。鄭人或謂子貢曰：「東門有人，其顙似堯，其項類皋陶，其肩類子產，然自要以下不及禹三寸。纍纍若喪家之狗。」子貢以實告孔子。孔子欣然笑曰：「形狀，末也。而謂似喪家之狗，然哉！然哉！」

呢度然指鄭人同子貢講個形容。

• 孟子梁惠王下。夏諺曰、吾王不遊，吾何以休？吾王不豫，吾何以助？一遊一豫，為諸侯度。今也不然。

呢度然，解做前面夏諺所講做形容。 唔單然字，爾字亦可以做代形容詞，同樣可以身兼代副詞。

• 公羊傳莊公三十二年。公子牙今將爾，辭曷為與親弒者同。

爾解做如此，指呢句前面有一大段迫季子飲藥自殺。

• 孟子告子上。非天之降才爾殊也，其所以陷溺其心者然也。

呢處然字做代形容詞，而爾字後面接咗個形容詞殊，佢祇可能做代副詞。

英文

英文代形容詞，有such同so，但亦會身兼代副詞。祇要企喺形容詞個位而指代，就算係代形容詞。

such例

• The pointless lances of the preceding day were certainly no longer such.

so例

• To make men happy and to keep them so.

such代形容詞用例。

• I don't like such books.

• I don't like such long books.
• I don't like such a book.