以掃

以掃
原文名	עֵשָׂו‎
父母	以撒（父）同利百加（母）

以掃（希伯來文：עֵשָׂו；英文：Esau）係希伯來聖經入便嘅角色。佢係以撒同利百加之子，雅各嘅大哥，亦即係話佢係亞伯拉罕嘅孫。一般認為，以掃嘅形象係一個粗豪、勇武、中意戶外活動嘅人。根據創世記嘅描述，佢全身有毛，象徵住佢嘅野性同力量。佢擅長打獵，但性格衝動。喺猶太人嘅傳統之中，好多人都認為以掃冇細佬雅各咁有遠見，因而冇咁適合做族長。

希伯來人傳統認為，以掃係以東人嘅先祖，而雅各就係以色列人嘅先祖。雅各與以掃嘅故事反映古以色列同以東之間嘅關係，用嚟解釋點解歷史冇咁悠久（細佬）嘅以色列會征服以東。

出生背景

睇埋：以撒、利百加同創世紀

以掃同雅各係《創世記》提到嘅孖生兄弟，父母係以撒同利百加，即係話兩兄弟係亞伯拉罕同撒拉嘅孫。

按聖經記載，利百加佗住以掃同雅各嗰陣，感覺腹中兩個胎兒似乎喺度互相爭鬥。上帝喺異象中向佢啟示，話呢兩個細路將來會各自成為一個民族，而哥哥最終要服侍弟弟。到生仔嗰陣，以掃出世先，跟住雅各出世，出世嗰陣隻手仲捉住哥哥嘅腳踭，因此被命名為雅各，呢個名據講原意係腳踭噉解。

經文形容，兩兄弟無論外貌定性格都差好遠：以掃成身毛、皮膚赤紅，樣貌粗獷，大個後成為善獵之人；雅各就膚色光滑，性情溫和內斂，鍾意留喺帳棚裏面。根據猶太教傳統，以撒偏愛以掃，而利百加就特別鍾意雅各。

兄弟之爭

内文：雅各與以掃

《創世記》嘅記載中，有一幕講到以掃為咗一碗湯，就將自己作為長子嘅名份賣咗俾細佬雅各。呢件事後來成為以掃性格嘅代表例子—猶太傳統將佢描寫成著眼於眼前享樂、唔考慮長遠後果嘅人。相反，雅各能夠意識到長子名份嘅象徵同實際價值，願意設手段去取得，顯示出佢較有遠見同謀略。

及後，兩兄弟嘅父親以撒年老，對眼唔再睇到嘢，打算賜福俾以掃，雅各就喺母親利百加嘅幫助下，假扮成阿哥，獲得父親嘅祝福。以掃知道之後，非常震怒，想殺死雅各。於是雅各就唯有逃走去到舅父嗰度避難。多年後，兩兄弟重逢，雅各諗住以掃仲懷恨在心，但以掃反而上前擁抱佢、原諒咗佢。兄弟之爭最後以和解告終。等到父親過身嗰陣，兩兄弟有再見面，並且一齊安排父親嘅身後事。

再睇

• 雅各

引述

參考文獻：

• Elazar, Daniel J. (n.d.). "Jacob and Esau and the Emergence of the Jewish People". Jerusalem Center for Public Affairs. 喺11 February 2021搵到.

拎

• （英文）聖經中嘅雅各同以掃，留意唔少猶太傳統都好似爾篇文噉，將以掃描寫成負面嘅形象。