伯利茲城

伯利茲城（Belize City）係伯利茲最大嘅城市。根據 2022 年人口普查，伯利茲城住咗 63,999 人。

伯利茲城喺霍洛弗溪（Haulover Creek）河口，條溪係伯利茲河嘅一條分流河。伯利茲河喺伯利茲城以外，沿住菲利普·戈爾德森公路，喺距離市區約 8 公里個處流入加勒比海。伯利茲城係全國主要港口，亦係金融同工業中心。郵輪一般停泊喺港口外海，再由本地居民用接駁船接乘客上岸。

1961年10月，颶風哈蒂吹襲伯利茲城，將城市摧殘殆盡。當時伯利茲城仍係前殖民地英屬洪都拉斯嘅首都，直至 1970 年政府遷都貝爾莫潘為止。