似曾相識感

似曾相識感解彷彿以前經歷過或見過目前事物嘅感受（有可能同事實不符）。

文學

中文

似曾相識係個喺粵語同官話等都常見嘅成語，來自文言〈浣溪沙．一曲新詞酒一盃〉（全文為「無可奈何花落去，似曾相識燕歸來。）

法文

  「déjà vu」跳轉到呢度。假如你想揾嘅係佢嘅專有名詞用法，請睇「Déjà Vu (搞清楚)」。

法文déjà vu字面解「見過」，為副詞加動詞非術語組合；似乎由於法國心理學家將其用於學術文章而流傳多國，用拉丁文字母書寫嘅其他歐洲話往往直接借用佢作純名詞術語組合，以形容特別嘅「見過」情況，例如背後有段古或有種病，經常省略發音符號（即係寫成「deja vu 」）。

日文

「déjà vu」被法和直譯作漢字既視，於是出現既視感以及既視体験嘅詞語，其中「既視感」隨動漫文化傳播喺中文世界流行起來，縱使中文學術界亦一早偶有借用該和製詞語入文。

理學

當「似曾相識感」或其同義詞出現於心理科或精神科嘅專業論述，經常係指有錯覺嗰啲情況。