位移

綠色虛線線係代表藍色實線兩邊嘅位移

位移（粵拼：wai6*2 ji4；英文：displacement ），日常生活入便又可以叫做直線距離，係對物體嘅位置改變嘅最短距離。古典力學嘅分析上成日會用到呢個概念，定義咩謂之速度嗰陣亦會用到。

基礎

睇埋：距離

啲人講解親位移嘅概念，通常會攞佢嚟同距離比較。位移同距離係兩個唔同嘅概念：假如某件物體以非直線嘅路線移動，噉佢行過嘅路線反映佢行咗嘅距離，而位移則會係佢起點同終點之間嘅直線距離。

古典力學計數嗰陣成日會用位移。假設有件物體由 $\mathbf {r_{1}} \,\!\,\!$ 呢個位置移去新位置 $\mathbf {r_{2}} \,\!\,\!$ 嗰度，佢嘅位移－寫做 $\Delta \mathbf {r}$ 或者 $\mathrm {d} \mathbf {r}$－就係

$\Delta \mathbf {r} =\mathbf {r_{2}} -\mathbf {r_{1}} \,\!\,\!$

例如有件物體喺三維嘅空間入面由 (1, 1, 1) 呢點移去 (5, 3, 1) 嗰點，佢嘅位移就係

$(5-1,3-1,1-1)$，等如

$(4,2,0)$

位移係有方向嘅物理量－向量（vector），所以除非係一維空間，位移冇得淨係用一個數值嚟表達得晒，而係要用好幾個數值嚟表達。

速度

内文：速度

睇埋：微積分

速度（velocity）嘅定義係位移同所用時間之間嘅比值。如果某件物體喺時間間隔 $\Delta t$ 內移位咗 $\Delta \mathbf {s}$ 咁多，噉其平均速度 ${\bar {\mathbf {v} }}$ 可以表示為：

${\bar {\mathbf {v} }}={\frac {\Delta \mathbf {s} }{\Delta t}}$

睇埋

• 古典力學
• 剛體