何文匯
Jump to navigation
Jump to search
何文匯（英文：Richard Ho），香港粵音學者。做過香港中文大學中文系教授、教務長、香港中文大學東華三院社區書院創校校長。任職中東書院其間，校內發生過集體辭職事件，涉及新任同接任嘅教務長同教務組。
粵語正音運動[編輯]
何文匯一直搞「粵語正音運動」，響香港電台主持過唔少粵語正音嘅節目，亦出版過唔少教粵語「正確讀法」嘅書。
但係，由何文匯所主導嘅「正音運動」，引起好多嘅爭議，認為𠵱家粵語嘅讀音只係靠「約定俗成」，冇統一標準，所以提倡以黃錫凌《粵音韻彙》嘅注音同埋《康熙字典》裏面嘅反切注音為標準。佢透過香港教育局開辦粵語正音課程，教現任先生粵語嘅「正確讀音」。
香港唔少大專院校嘅講師、現職資深先生教師都批評佢，當中而家住響多倫多嘅作家王亭之同埋香港專欄作家潘國森話佢「邪音亂港」。對何文匯嘅批評，可以綜合為：粵語正音最基本嘅漏洞，就係假設讀音一成不變，實際上語言會隨時代而改變；硬係要確立統一標準，不論係跟《粵音韻彙》又好、《康熙字典》又好、《廣韻》都好，係漠視咗語言嘅自然發展、實際運用。
有意見應為研習粵語古音係有必要，以便欣賞到詩詞嘅讀法。何文匯大力研究呢方面嘅知識，有助延續中國文化。
主持嘅節目[編輯]
- 《粵講粵啱一分鐘》
- 《百載鑪峰》
