何柱國 (生意人)

何柱國
出生日	1949年6月23號  （73歲）
出生地	香港
國籍	中華人民共和國
母校	拔萃男書院
職業	生意人
[改維基數據]

何柱國，GBM（1949年6月23號—），係香港生意人、商界親中陣營政治人，佢阿爺係慈善家、香港煙草創辦人何英傑。

何英傑筆遺產由何柱國繼承，大概有200億港紙。家下何柱國係香港煙草董事會主席、星島新聞集團有限公司董事會主席。

歷史

何柱國喺拔萃男書院畢業之後去美國留學，1990年代返香港，接手家族生意。

嚮1998年，何做埋全國政協委員。佢亦係北京大學榮譽校董。

2014年何獲香港特區政府頒授大紫荊勳章，以表揚佢熱心服務社會，表現卓越，尤其對傳媒行業貢獻良多。作為著名報業集團嘅主席，何成功帶領旗下集團建立環球新聞網絡，並透過多媒體平台，為世界各地華人社會嘅讀者提供廣泛適時新聞資訊，貢獻良多。佢亦秉承其家族樂善好施嘅傳統，慷慨捐助同支持各種社會同埋慈善活動，殊堪表揚。

屋企

何柱國已婚，老婆叫黃敏珊，兩公婆有一仔一女。

佢細佬何定國係加拿大華人企業家，加拿大國龍航空創辦人。而家已經執咗。

事件

嚮2011年，行政會議召集人梁振英話《星島日報》新聞失實，何柱國隨即開記者招待會講咗一堆嘢，話返梁振英轉頭。

選舉經歷

喺2021年9月，佢成為香港特别行政區選舉委員會委員(港區全國政協委員)。2022年，佢喺李家超無提政綱嘅情況下，有份提名李家超參與2022年香港行政長官選舉。