何駿廷
| 何駿廷（Ting Ho） | |
|---|---|
| 藝人或藝術家 | |
| 羅馬拼音 | Ho Chun Ting |
| 英文名 | Zayne |
| 花名 | Ting Ho, 初戀 |
| 國籍 |  中國（香港） |
| 出世 | 1993年2月13號 英屬香港 |
| 職業 | 創作歌手、舞蹈員、音樂製作人 |
| 語言 | 粵語、英語、普通話 |
| 教育程度 | 金士頓大學音樂學士 |
| 演奏樂器 | 色士風、鋼琴、結他、流行鼓 |
| 活躍年代 | 2018年至今 |
| 網站 | Instagram tingho.zayn YouTube TingHo何駿廷 |
何駿廷（藝名：Ting Ho）係香港男創作歌手，身高178cm，擅長唱歌、跳舞同音樂製作。可以曲詞編監一手包辦，創作風格豐富百變。佢喺2018年參加由ViuTV主辦嘅《Good Night Show 全民造星》，成功入到30強，係B1組其中一位成員。[1]去到2021年，佢再參加由HMVOD搞嘅《Loser Reborn 敗者重生戰》，最後入到總決賽，仲收到邀請去韓國LionHeart Entertainment受訓。2025年，佢同歐國成合作，以新人樂隊組合《One Take-off》出道。[2] [3] [4] [5] [6]
簡介
[編輯]背景
[編輯]何駿廷喺香港大，細個開始就好鍾意音樂，自學咗好多種樂器，做過管樂團嘅色士風吹奏員，成日跟團出去表演同比賽。之後佢去英國曼城學院讀音樂文憑，再喺金士頓大學完成音樂系畢業。依家佢喺幕前幕後都有發展，做表演又做音樂製作。 佢17歲嗰陣開始學跳舞，仲自己組過舞團去比賽同演出，後來變成咗舞蹈員同埋兒童音樂劇導師。
演藝事業
[編輯]2018年，佢參加ViuTV嘅《Good Night Show 全民造星》，最終喺30強止步，係B1組成員嗰陣同姜濤關係好close，所以被封做「初戀」。嗰組反應好勁，仲喺總決賽被邀請做表演嘉賓。 2021年，佢再參加HMVOD搞嘅《Loser Reborn 敗者重生戰》，同湯令山同應智越合作改編咗首『多啦A夢』，唱跳表演畀導師同評判大讚，成功入到總決賽，最後仲收到節目邀請去韓國LionHeart Entertainment受訓。[7] [8] [9] 而家佢仲係活躍喺娛樂圈，做歌手演出、音樂製作同商演之類。2024年佢同歐國成組咗音樂組合「One Takeoff」，以創作音樂為主，喺2025年正式以新人組合出道。
電視節目
[編輯]| 年份 | 播放平台 | 播出日期 | 節目 | 備註 | |||||||||||||
|---|---|---|---|---|---|---|---|---|---|---|---|---|---|---|---|---|---|
| 2018 | |||||||||||||||||
| ViuTV | |||||||||||||||||
| Good Night Show 全民造星 | 第1-38集全民造星 比賽經歷
| ||||||||||||||||
| 10月14日 | Good Night Show 全民造星總決賽 | 直播節目 | |||||||||||||||
| 2021 | |||||||||||||||||
| HMVOD | Loser Reborn 敗者重生戰 | 同應智越同湯令山合作改編《多啦A夢》，最後入總決賽 |
參考資料
[編輯]- ↑ 〈何駿廷入圍ViuTV《全民造星》 烈日下街頭快閃宣傳〉。
- ↑ 〈屢遭淘汰自組男團出道One Take-Off：人到中年想搏盡！巛叱咤樂壇》〉。
- ↑ 〈One Take-off 訪問｜「One Take-off搖直上」︳因為選秀節目而識，之後互相交換demo而諗住組band？！〉。
- ↑ 〈《全民造星》何駿廷 奧海城撐世界盃決賽〉。
- ↑ 〈【全民造星2】Youtuber、ViuTV親生仔爭住上位！盤點5個熱門人選〉。
- ↑ 〈《造星》重現盧凱彤笑容〉。原著喺2024年5月7號歸檔。喺2025年10月30號搵到。
- ↑ 〈擲百萬供入圍者韓國特訓 張建聲組新男團闖娛圈〉。
- ↑ 〈敗者重生戰｜張建聲投資7位數唔諗回本 唔排除再組男團撼MIRROR〉。
- ↑ 〈《敗者重生戰》評判夠狠 XX話葛民輝最毒舌？〉。
- ↑ 〈Alton、Anson、小評同 Ting Ho大跳《精舞門》〉。
外部連結
[編輯]簡歷
[編輯]何駿廷喺香港出世同長大。2018年開始報名參加《Good Night Show 全民造星》，成為55號參賽者。2019年，佢參加《全民造星II》，成為98號參賽者。
演出
[編輯]- 2018年：《Good Night Show 全民造星》
- 2019年：《全民造星II》