跳去內容

佛教慧遠中學

改拎
出自維基百科，自由嘅百科全書
羅定邦中學左邊。僅見佛教慧遠中學校舍。二〇〇八年。
校舍化身香港美國學校

佛教慧遠中學，香港中學，執咗笠，喺大埔泮涌馬聰路，羅定邦中學側邊，歸大埔區。一九七〇年香港佛教僧伽聯合會創辨，而佢前身，附設喺香港能仁書院佛教英文中學，喺深水埗。一九九一年搬入大埔，改名佛教慧遠中學，借校上堂。一九九三年，近運頭塘邨新校舍起好，搬到新址。

收生不足、經驗師資流失、合併失敗，佛教慧遠中學二〇一二年八月底殺校。之後丟空幾年，校舍由香港美國學校承用 。

校政管理

[編輯]
歷任校監
  • 釋洗塵法師[1]。一九七〇年到一九八五年。
  • 釋寶燈法師[2] 。一九八五年到一九九七年。任內逝世。
  • 釋達道法師[3] 。一九九七年到二〇〇四年。二〇一三年病逝。
  • 釋法亮法師[4]。二〇〇四年到二〇〇八年。
  • 釋張亮法師 [5]。二〇〇八年到二〇一二年。末任校監。
歷任校長
  • 白志忠先生[1] 。一九七〇年到一九八二年。創校校長，任內腦出血身亡。
  • 周國正博士[3]。一九八二年到一九八六年。後轉職浸會學院。
  • 何治中先生[6]。一九八六年到二〇〇四年。
  • 宋濂平先生[4]。二〇〇四年到二〇〇九年。
  • 凌冠偉先生[7]。二〇〇九年到二〇一二年。

史

[編輯]

一九七〇年創校，初名佛教英文中學，附設喺香港能仁書院[8] ，一九七三年，荃灣開分校，後來釋慧文中學。一九七九年之前，私立中學，到一九八四年由買位中學，轉為政府津貼中學。原址醫局街一百七十六到八號，荔枝角道三百二十五到九號[1] 。

同能仁共用校舍唔夠位，加上新市鎮中學學位需求上升，就參與校舍分配計劃。初時，分配去觀塘福建中學同樂華天主教小學現址土地建校，後尾政府改配去大埔鄰近運頭塘邨，起緊但仍未分配平禧校舍。一九九一年，遷入大埔借校，改名佛教慧遠中學。校舍原定一九九二年五月起好，由於起得慢，校舍要到一九九三先竣工 ，延誤接近一年[9] 。深水埗校最後一屆學生，一九九六年全部畢業，過渡結束。

搬校頭幾年，大埔區初中學額唔夠，學校中一超收情況，一九九四、五年學年，班數更十四班跳到廿八班[10] 。但係，適齡學童數目減少，師資流失，尤其二〇〇四年初，資深經驗校長何治中退休[11] ，另外又有學生涉及嚴重罪案等不利因素，學校入廿一世紀，陷入收生不足危機。有搞過同佛教慈航智林紀念中學合併，但唔成[12] 。二〇〇七年，教育局下令停辦中一，面臨殺校[13] 。及後，校方先獲以按人數資助模式，二〇〇九年開辦最後一屆中一[5] ，三年內以留師唔留生方式，併入同一辦學團體創立，同樣面臨殺校釋慧文中學，獲得批准[14] 。

合併方案失敗，二〇一一、二學年正式執笠。釋慧文中學就二〇一七年執笠。

校舍

[編輯]

校舍喺大埔馬聰路，羅定邦中學側，附近有運頭塘邨，佔地五千七百七十平方米[15] 。中學靈活式校舍，一九八八年版，加建咗新翼。

停辦後，無人管理，雜草叢生，畀人破壞，情況列入審計署署長報告書中[16] 。呢間校校舍，曾經全港唯一丟空中學靈活式校舍。

事件

[編輯]
  • 二〇〇九年五月二十二號，學校有童黨毆鬥案，六名高中生因為同同學衝突，放學時畀對方糾集廿幾名童黨打傷。當中二名兇手被捕[17] 。
  • 二〇一〇年十月號日，學校兩名中五生，涉嫌幫佢未婚產子朋友埋嬰屍，離開埋屍地點畀警方拘捕[18] 。

校友

[編輯]
香港佛教英文中學舊生
  • 麥長青。初中。香港男演員
  • 鍾志明。一九八二年中五。旺角警區助理指揮官（刑事）警司、號辣手神探
  • 黃麗英。一九八二年中五。一九八六年亞洲小姐競選亞軍
佛教慧遠中學舊生

攷

[編輯]
  1. ↑ 1.0 1.1 1.2 〈佛教英文中學招生廣告〉。華僑日報。1978-07-22。頁 14。原著喺2023-12-04歸檔。喺2022-06-04搵到。
  2. ↑ 香港佛教英文中學 (1989-11-02)。〈嘉許獎狀〉。原著喺2022-06-04歸檔。喺2022-06-04搵到。
  3. ↑ 3.0 3.1 《佛教慧遠中學 建校三十三年暨遷校十周年紀念特刊》。《佛教慧遠中學》。2003。頁 14。
  4. ↑ 4.0 4.1 《中學概覽2004/2005：大埔區》。《家庭與學校合作事宜委員會》。2004。頁 12-13。
  5. ↑ 5.0 5.1 《中學概覽2008/2009：大埔區》。《家庭與學校合作事宜委員會》。2008。頁 14-15。
  6. ↑ 〈香港佛教僧伽聯合會 佛教英文中學畢業禮 由校監寶燈法師主禮〉。《華僑日報》。1986-11-01。喺2023-10-08搵到。
  7. ↑ 〈大埔校園月中驗毒 參與率料過半〉。《交匯報》。2009-12-01。喺2023-10-08搵到。
  8. ↑ 〈《香港佛教》月刊，2012年8月，P.7〉 (PDF)。原著 (PDF)喺2019-10-31歸檔。喺2019-10-31搵到。
  9. ↑ 〈109ES-大埔第6區第一間中學〉。1989-07-07。 {{cite journal}}: Cite journal requires |journal= (help)
  10. ↑ 〈新校連續兩年招九班中一 大埔區初中學位嚴重短缺〉。《明報》。1995-01-05。
  11. ↑ 大埔逾三成中學換校長，《星島日報》，2004年7月21日
  12. ↑ 〈中一收生不足 多校努力救亡〉。《文匯報》。2006-12-13。原著喺2009-03-12歸檔。喺2023-12-02搵到。
  13. ↑ 〈爭取第三組別學生原校升讀高中 教協建議「倒金字塔」模式資助〉。原著喺2020-09-25歸檔。喺2019-10-31搵到。
  14. ↑ 〈收生不足六中學轉型救校，《星島日報》，2009年4月3日〉。原著喺2019年10月31日歸檔。喺2020年12月17日搵到。
  15. ↑ 〈政府提供的空置校舍名單〉 (PDF)。原著 (PDF)喺2017-03-15歸檔。喺2019-10-31搵到。
  16. ↑ 〈審計署署長第65號報告書-使用和處理空置校舍，P.52〉 (PDF)。原著 (PDF)喺2020-10-01歸檔。喺2019-10-31搵到。
  17. ↑ 〈童黨打學生　拘兩疑兇〉。《蘋果日報》。2009-05-24。原著喺2021-08-29歸檔。喺2023-12-02搵到。
  18. ↑ 〈埋屍案少女﹕嬰出世已死 收牀底瞞家人〉。《明報》。2010-10-08。喺2023-12-02搵到。
由「https://zh-yue.wikipedia.org/w/index.php?title=佛教慧遠中學&oldid=2350583」收