來生不做香港人

出自維基百科,自由嘅百科全書

來生不做香港人》(標題嘅粵語翻譯:第世唔做香港人英文To Be or Not To Be),原名同海外標題係《客家女人》(英文Hakka Sisters),係香港電視網絡拍嘅電視劇,由張可頤劉美君曾偉權潘燦良林利高皓正謝月美龔慈恩艾威馮素波伍慧珊陳丹丹領銜主演,喺2012年10月開拍。呢套劇用30年前喺大陸來到香港生活嘅客家姊妹嘅恩怨嚟做主題。

編審鮑偉聰話原本劇集以《客家女人》嘅名義申請內地審批,只係掩人耳目,方便攞到批文,「嗰個係一個working title,原名係一路冇披露。其實《客家女人》係冇用腦諗,個真名足足收咗兩年。」總導演陸天華補充話:「因為我哋有好多景喺內地拍,如果我哋用真名,驚有好多阻滯,怕俾人問內容講乜,會唔會有乜挑釁性,於是講個最中性嘅名。如果真係用真名,相信好難搞,《客家女人》易搞易批,似啲婆媽劇,所以批文照批,噉就搞掂。」

[編輯]