依存文法

依存文法（參見英文：dependency grammar，DG ）係語言學上一套有關語法嘅觀點。根據呢套學說，喺每句句子入面，只有一隻詞語算係根，淨低嘅詞，冚唪唥都要依附喺其他詞之上，形成咗一種層層結構嘅關係，當中根詞一般都係主要述語，即係多數由動詞充當。

依存文法專注於詞與詞之間嘅直接句法關係，唔似得生成語法噉，注重將啲詞砌成短語等句法單位。

基本原則

常見講法話，依存文法係根據以下四條基本原則：

1. 每句句子裏面得一個詞係完全唔靠其他詞；
2. 其他每一隻詞都直接依附喺某一隻詞上面；
3. 每隻詞只可以依附喺一隻詞；
4. 如果兩隻詞之間有依存關係，中間嘅詞一般都會屬於同一個依存結構，而唔會形成交叉關係。

結果就係，句子入面無論邊隻詞，最終都會經一條單一（唔分叉）嘅依存線連到去句子嘅根。唔少語言學家都認為依存文法比生成文法更有彈性，其中一個常見原因係佢比較應付到語序自由；相反，廿世紀中葉以來流行嘅生成文法成日俾人詬病，話佢下下都預設咗，研究緊嘅語言喺語序上好似英文咁固定。

對比依存文法（左）同生成文法（右），用兩種做法分析同一句英文語句："We are trying to understand the difference." 粵譯：我哋喺度嘗試理解嗰樣差異。 生成文法嘅思路：the 同 difference 砌埋一齊，當中 difference 負責做頭，形成一句短語，然後佢哋再同 understand 砌埋一齊... 依存文法嘅思路：主動詞 are 係成句嘢嘅根，we 同 trying 依存於佢身上，而 to 又依存於 trying 身上... 對比依存文法（左）同生成文法（右），用兩種做法分析同一句英文語句："We are trying to understand the difference." 粵譯：我哋喺度嘗試理解嗰樣差異。 生成文法嘅思路：the 同 difference 砌埋一齊，當中 difference 負責做頭，形成一句短語，然後佢哋再同 understand 砌埋一齊... 依存文法嘅思路：主動詞 are 係成句嘢嘅根，we 同 trying 依存於佢身上，而 to 又依存於 trying 身上...

解析技術

依存語法解析係自然語言處理上一種重要嘅解析技術。呢種方法好多時係透過機器學習訓練出嚟嘅模型，教電腦識得點樣按照依存文法去分析句子結構。例如輸入以下呢句英文：

"We are trying to understand the difference."

個程式就會輸出類以下噉嘅分析結果：

are → (根), we → are（主語）, the → difference（定冠詞）...

配合自然語言工具箱等嘅工具，仲可以畫出句子中詞與詞之間嘅依存結構圖，視覺化噉顯示句法關係。

睇埋

• 句法
• 生成文法