信步閑庭
信步閑庭
| |||||||||||
|---|---|---|---|---|---|---|---|---|---|---|---|
| 所屬堂區 | 聖安多尼堂區 | ||||||||||
| 承批人 | 吳福 | ||||||||||
| 發展商 | 信福投資發展有限公司 | ||||||||||
| 房屋類型 | 私人房屋 | ||||||||||
| 房屋用途 | 住宅 | ||||||||||
| 總塔樓座數 | 2 | ||||||||||
 |
第1座 | ||||||||||
| 入伙日子 | 2019年 | ||||||||||
| 樓齡 | 5年 | ||||||||||
|
|
第2座 | ||||||||||
| 入伙日子 | 2019年 | ||||||||||
| 樓齡 | 5年 | ||||||||||
信步閑庭，舊時叫林茂塘PS4地段，響澳門半島聖安多尼堂區沙梨頭海邊大馬路、沙梨頭南街、沙梨頭新街同海灣南街嘅PS4地段。
背景[編輯]
改善巴士服務嘅地產收益被私有化爭議[編輯]
1993年8月4號，澳葡政府為咗畀澳門公共汽車有限公司（簡稱澳巴）有更好嘅資源，可以唔使加價都可以提供更好嘅巴士服務，所以澳葡政府響第三十一期《澳門政府公報》第二組嘅第50/GM/93號批示，將一幅位於澳門半島沙梨頭海邊大馬路，以租賃制度同免公開競投方式批畀澳巴同吳福（當時係澳巴董事），面積七千四百零九平方米，叫PS4地段，響批示公佈嗰日開始計四十二個月之內根據批示規範起一幢住宅、商業、停車場、公共巴士總站同巴士維修工場嘅建築物，攞嚟幫補巴士營運，改善設施同改善員工福利待遇，但之後澳巴攞到幅地之後一直閒置無發展[1][2]。
1995年8月30號，權限部門發出嘅技術性意見話座建築物入面要起一層防火層，所以響第三十五期《澳門政府公報》第二組嘅第105/SATOP/95號批示作出修改[2]。
2002年12月17號，吳福向土地工務運輸局遞交一份更改建築嘅新計劃，以西北區一幢已經具有呢嗰計劃性質嘅建築物（指PS1海擎天地段）同埋市入面某一座建築物同人口密集嘅地點起一個公共巴士總站同停車場，會對城市規劃同環境造成負面影響，所以經過重新評估呢嗰計劃之後，決定將公共巴士停車場搬到市區出面同埋縮減響合同入面為呢嗰用途而訂定嘅面積[2]。
2003年3月20號，土地工務運輸局局長批示，呢嗰初步研究被視為可以批准，但係要遵守有關技術條件[2]。
2003年9月25號，吳福並請求將有關土地嘅批給所衍生嘅權利轉讓畀信福投資發展有限公司，而吳福係呢間公司嘅大股東同董事會主席，理由係而家響困難時期，認為由一個有經濟能力嘅法人來發展呢嗰大型建設會更加有利，再加埋澳巴就有關轉讓同縮少用嚟畀公共巴士總統嘅面積發出贊同意見。原嚟上邊起咗住宅單位賺咗嘅錢都係屬於澳巴，可以用嚟改善服務唔使加價，改善設施同改善員工福利待遇。但係轉咗嗰名就噉左手交右手，之後呢幅地賺到嘅錢再同澳巴冇關係，唯一同澳巴有關係嘅就只有地面九百平方米嘅公共巴士總站，就噉澳葡政府原意批嚟幫補巴士營運計劃就變咗地產公司發達嘅計劃[1][2]。
2003年10月23號，案卷按一般程序送到土地委員會舉行會議，同意批准有關申請。
2003年10月30號，土地委員會的意見書經行政長官嘅批示確認，呢嗰批示刊登響運輸工務司司長歐文龍同一日嘅贊成意見書到。
2004年2月28號，第八期《特別公報》第二組嘅第10/2004號運輸工務司司長歐文龍批示作出修改。直接將地皮轉畀澳巴嘅負責人吳福旗下嘅私人公司，被外界狠批用嚟改善巴士服務嘅土地資源同地產收益被「私有化」[1][2]。
2013年，土地工務運輸局批出街線圖，寫明PS4地段要有九百平方米嘅公共巴士總站，得澳巴專用[1]。
閒置廿五年收地爭議[編輯]
2015年10月，PS4地盤正式開工。
2016年6月，外界關注海上居會唔會步海一居收地命運，先關注到PS4地段到2018年8月會觸及《土地法》廿五年到期收地線，外界擔心係限期前唔知起唔起到，會唔會係第二個海一居收地事件[3]。
空中走廊[編輯]
1995年，澳葡政府提出林茂海邊大馬路都市規劃，透過起大廈嗰陣預留嘅閣樓公共行人走廊、大廈之間嘅行人天橋連接，而貫穿成個區嘅空中步行系統（由運順新邨到金灣豪庭），全長九百五十米。其中兩條天橋接駁位就響PS4連接運順新邨同聯薪廣場嘅行人天橋，街道準線圖列明係要PS4地段批給人負責起呢條天橋，而PS4地段批給人已經響2017年起好嗮兩條行人天橋，等當局驗收移交之後先會開放居民使用[4][5]。
意外[編輯]
2018年1月15號朝早十點，沙梨頭新街信步閑庭地盤發生懷疑勞資糾紛事件，有關糾紛涉及工作獎金，有人響地盤十六樓天台坐響到企圖跳樓。有消防員響樓宇平台位置戒備。治安警話已經通知咗勞工局人員到場，期間勞工局派人到場跟進，司警局嘅談判專家亦到場協助。受事件影響，地盤隔離一段海灣南街暫時封咗唔畀車入嚟。兩個鐘頭之後走出天台，去勞工局繼續同資方談判[6][7][8]。
交通[編輯]
巴士[編輯]
巴士站[編輯]
- 預留九百平方米畀澳巴做巴士總站。
- 靠站巴士有：
睇埋[編輯]
攷[編輯]
- ↑ 1.0 1.1 1.2 1.3 （繁體中文）土地戲法? 巴士廠用地公變私 互聯網檔案館嘅歸檔，歸檔日期2017年11月9號，.，論盡傳媒，響2013年4月19號搵到。
- ↑ 2.0 2.1 2.2 2.3 2.4 2.5 （繁體中文）第10/2004號運輸工務司司長批示，印務局，響2004年2月18號搵到。
- ↑ （繁體中文）海一居事件後的「樓市」，ZA誌，響2017年6月22號搵到。
- ↑ （繁體中文）筷子基建區內空中走廊 規劃廿年沒見影，澳亞衛視，響2016年3月7號搵到。
- ↑ （繁體中文）空中步廊有規劃冇執行，澳門日報，響2016年2月21號搵到。
- ↑ （繁體中文）沙梨頭新街疑勞資糾紛 有人危坐天台，澳廣視，響2018年1月15號搵到。
- ↑ （繁體中文）危坐工人離開天台續與資方談判，澳廣視，響2018年1月15號搵到。
- ↑ （繁體中文）4建築工人疑因勞資糾紛 筷子基地盤企跳，澳亞衛視，響2018年1月15號搵到。