做個創世神生物一覽

出自維基百科,自由嘅百科全書
Jump to navigation Jump to search

做個創世神嘅生物分成主動型、中立型同被動型。另外重有BOSS級嘅怪物。

主動型[編輯]

好鬥性生物係會主動打玩家嘅生物。

生物
蠹蟲 外形似隻節肢動物或昆蟲,佢可以住喺石質方塊,若但蠹蟲鑽進去後,嚿石頭需要多尐時間先破壞到。當佢嘅石頭俾玩家摧毀嗰時,蠹蟲會從石頭裡跳出嚟,攻擊整爛石頭嘅玩家;但係如果嚿石係炸爛嘅,蠹蟲就會死嘅入面。如果方塊俾蟲鑽進去後,會變成另一種方塊,一般成為蠹蟲方塊,喺一般情況下,蠹蟲方塊係非常罕見嘅。蠹蟲可以自由進出方塊。蠹蟲唔會直接打玩家,除非蠹蟲畀玩家激嬲。
殭屍 殭屍(英文Zombie),同玩家形態差唔多。而家重加咗同村民差唔多相似嘅殭屍-殭屍村民。喺遊戲所有嘅殭屍中,有10%嘅殭屍係殭屍村民。如果殭屍殺死村民,村民就會感染成殭屍村民[1]

殭屍同骷髏一樣,會喺陽光下自燃。喺陰暗同亮度小於7嘅地方生成,會撲向玩家進行攻擊。

殭屍係同玩家一模一樣,除咗眼窩係黑色之外,佢成個身都係綠色。一般殭屍隻手會舉起,殭屍會著住同玩家一模一樣嘅衫,殭屍嘅身高為兩米,因此可以行走喺2格高嘅地方。

殭屍通常生成喺夜晚、洞穴、森林裡等陰暗同唔夠光嘅地方,一般係三五成群噤出現,會衝向玩家試圖攻擊,佢重識攞地面嘅物品,如果佢攞到武器就會增強攻擊力。

殭屍喺發現攻擊目標前會漫無目的亂走,重會發出怪聲,受到攻擊或受傷時會發出「科科」嘅聲。

當殭屍見到門就會將門打爛,就算你俾其他路佢行,佢都係會繼續打爛原來嘅門,殭屍喺困難同極限模式中可以將門打爛。喺殺死殭屍時後會掉落0-2片嘅腐肉。食腐肉可以80%造成玩家食物中毒。腐肉可以用嚟治療馴服嘅狼,但狼又唔會中毒。喺雞出現之前,殭屍喺死亡後會甩0-2條羽毛。[2]

乾屍 乾屍(英文Husk),同殭屍形態差唔多。

乾屍通常喺沙漠形成,會衝向玩家試圖攻擊。

乾屍同殭屍唔同,喺陽光下唔會自燃。

殭屍村民 殭屍村民係一種畀「病毒」感染嘅村民[3],擁有殭屍嘅外型。

外型係一個村民,但頭部嘅對比度、彩度同色相都整成綠色,連眼都整成紅色。[3]

出沒地點同殭屍大致相同,不過所有殭屍中只會有一成嘅殭屍村民[3],或一隻村民俾殭屍殺死會有一定嘅機率變成殭屍村民。殭屍村民嘅行為同殭屍大致相同,但佢可以感染其他村民,甚至連細路都得。[3]被感染嘅細路稱為幼年殭屍村民,行為同殭屍村民大致相同,不同之處係喺朝早並唔會自燃,行得比成年殭屍快,但攻擊能力較弱。[3]

殭屍村民可以視為被「病毒」感染嘅村民,因為佢可以被虛弱藥水同金蘋果醫好。

苦力帕 係一種綠色嘅、會埋伏等待玩家出現後點燃自己爆炸傷害玩家及周圍環境嘅怪物。因為呢隻怪物自爆後會炸爛嘢,所以搞到尐玩家好驚。

佢成個身都係綠色,身上面有深淺不一嘅綠色像素粒粒;冇手,有四隻腳,佢個身入面有好多炸藥,爆炸前會響同閃。

苦力怕會喺陰暗嘅地方生成,同殭屍和骷髏不一樣,喺陽光下時唔會著火。另外,苦力帕好驚貓,所以玩家帶埋貓出街可以唔使畀苦力帕襲擊。

苦力帕畀雷電打中會變成高壓苦力帕。高壓苦力帕爆炸範圍更大同殺傷力都會更強。

苦力帕係Minecraft嘅象徵怪物,從「Minecraft」標誌嘅「A」字係可以睇得出苦力帕,苦力帕象徵Minecraft。

史萊姆 外形為綠色、半液態,粘液狀嘅正方體怪物。

自然生成嘅史萊姆依體型可以分成三種:大、中、細。當大型或中型史萊姆死亡時,會分裂成四個更細嘅史萊姆,當細嘅史萊姆死亡時,會跌出黏液球。史萊姆可以存在更大型嘅,但唔會自然產生。巨型史萊姆死亡時會分裂成兩個體形為原來二分之一嘅史萊姆。

喺三種會自然生成嘅史萊姆中,最細嘅史萊姆因為太細而冇法對玩家攻擊,亦因此被玩家將小型史萊姆當成寵物嚟養。

史萊姆會以跳嚟移動,若史萊姆跌落水,將會沉到水底,然後死亡消失,合理嘅,因為喺現實中嗰尐物質可溶喺水。

骷髏 係一種白色嘅骨骼生物。會利用弓箭攻擊玩家或其他攻擊佢嘅生物[4],死咗會跌出骨同箭,重可能有附魔嘅弓。骷髏喺朝早會自燃。骷髏會有一把弓,骷髏身型灰白色嘅骷髏、一張同殭屍差唔多嘅灰白色臉。如果骷髏殺死苦力帕,爬行者會掉落一張音樂唱片。外型係白色嘅骨架、骷髏頭,但佢係方嘅。骷髏有張同殭屍一樣嘅臉,但係係灰白色嘅。

骷髏右手持有一把弓,死亡後會掉出骨頭同埋弓或箭,其中,只有被玩家殺死嘅骷髏至會掉出弓。

骷髏會漫無目的噉走,當遇到玩家會利用弓箭攻擊玩家或其他生物。特別嘅地方係攻擊時會不斷向目標嘅左邊移動,行走時跳躍令目標難以回擊。

骷髏走路嘅速度很好慢,重慢過玩家,當發現攻擊目標時(唔一定係玩家,有可能係其它打到佢或激嬲佢嘅生物),就會開始射箭,並且會以往右繞圈嘅方式移動,令玩家唔易回擊。

當骷髏被陽光照射之後,會起火燃燒並持續受傷,直到佢到冰上、跌落水、可遮陰處、洞穴或其他陰暗之處至會停止燃燒,如果佢唔係跌落水,骷髏身上嘅火要一段時間先會熄滅。喺終界冇遮蔽又明亮嘅地方,骷髏又會自燃。

骷髏射嘅箭好難瞄準五公尺以外嘅物體,有時會因為擊中其他生物而同其他生物發生衝突,嗰時,骷髏唔會攻擊玩家。

流浪者 流浪者外型係骨架、骷髏頭,不過係方嘅。有一張同殭屍差唔多嘅臉。朝早會自燃。

流浪者右手持有一把弓,會利用藥水箭攻擊玩家,死後會跌出藥水箭。

流浪者會漫無目的噉行,當遇到玩家會利用弓箭攻擊玩家。

流浪者行得好慢,重慢過玩家,當發現攻擊目標時,就會開始射藥水箭。

當流浪者被陽光照射之後,會起火燃燒並持續受傷,直到佢跌落水至會停止燃燒。

凋靈骷髏 喺地獄出沒嘅攻擊型生物,非常危險。佢哋同骷髏幾乎係一樣,只係顏色係黑色,而明顯同骷髏唔同嘅係,佢哋手上攞住石劍。

外形似一隻燒黑嘅骷髏,所以凋靈骷髏唔怕火,又因為噉,佢死咗跌出嘅嘢唔只骨頭,重有煤炭。凋靈骷髏表面嘅紋同骷髏有所不同。

凋靈骷髏會出沒喺下界要塞中光線昏暗嘅地方,成日一烈焰使者一齊。

地獄幽靈 又稱地獄水母(或者EOE),外形係白色鬼魂,類似水母嘅方形生物,會經常發出類似喊聲、哽咽、悲鳴嘅叫聲,死亡後會幽靈眼淚,但有可能跌出岩漿或火。

地獄幽靈體型龐大,會噴出火球嚟攻擊,玩家可利用適當嘅工具將火球擊回,地獄幽靈碰到岩漿唔會受傷,地獄幽靈以類似水母喺空中飛行嚟移動。

烈焰使者 外型係由燃燒嘅火焰同煙霧所組成嘅人形怪物。烈焰使者可以飛,重會噴火嚟攻擊,每次至少可以連續發射3次,但係每次發射之後要過一段時間先可以再噴火。死咗會跌出烈焰桿。
岩漿怪 史萊姆嘅亞種,生活喺地獄岩漿入面。比起史萊姆,佢重有防禦力,死後跌出0-1個嘅烈焰史萊姆球。
女巫 係主世界入面嘅骷髏同凋靈之後第三種天然生成嘅遠程攻擊生物,個樣睇落有啲似村民。能夠遠程攻擊嘅生物,用各種有害藥水攻擊,血量低嗰陣會用治療藥水。如果喺佢飲緊藥水嗰時殺佢,有機會跌出藥水。
蜘蛛騎士 一種極為罕見嘅生物,係骷髏騎上蜘蛛身嘅生物。當骷髏同蜘蛛喺同一個地方生時,就會變成蜘蛛騎士。佢有骷髏嘅攻擊力同蜘蛛嘅視力、敏捷、爬牆能力同攻擊性。

蜘蛛騎士可以有好多種,例如:

  • 洞穴蜘蛛騎士,會罕見噉出現喺廢棄礦井中嘅洞穴蜘蛛刷怪磚附近
  • 凋靈骷髏騎士,一般唔會生成,除非喺地獄要塞中用蜘蛛刷怪蛋或刷怪磚。

中立型[編輯]

中立性生物,唔會主動攻擊玩家,喺被攻擊或被激嬲至會攻擊玩家。兩種蠄蟧喺光線唔夠嘅時候會自然被激嬲。

生物
終界使者 一種三格高,全身灰黑色,眼睛發紫,身體附近有紫色雪片纏繞嘅長手長腿嘅人型生物。終界使者識高速移動,睇起嚟似瞬移,又可以轉移到室內,周不時攞起附近方塊,如果望住佢1.5秒會俾末影人打,戴著南瓜嘅時候唔會俾末影人打。傳言末影者係作者用美國都市傳說裡嘅Slender man嚟整出嚟嘅
殭屍豬人 喺地獄出沒嘅中立形生物。佢哋同殭屍相似,只係顏色係粉紅色,而明顯同殭屍係佢哋手上攞黃金劍。殭屍豬人嘅外形同殭屍相似,因為同一個模,但係顏色同豬一樣。

喺萬聖節,有一定機會出現戴南瓜嘅殭屍豬人。

殭屍豬人會出現喺地獄(下界),一般以4-10隻成群出現,會遠離惡魂同懸崖。玩家激嬲一隻殭屍豬人,會激嬲全部殭屍豬群,而俾全部殭屍豬打。當太陽出嚟時,殭屍豬人會著火,但係唔會死。

殭屍豬人唔怕火燒,即使著火唔會受到任何傷害,殭屍豬人會喺岩漿游水,並且好快,重快過玩家游水。有殭屍豬人著住裝甲。

蜘蛛 外型同現實中嘅蜘蛛類似,但係佢全身都係方嘅,仲喺遊戲入面比真實嘅蜘蛛大好多,顏色係深褐色

蜘蛛係造過創世神中被加入嘅第二種怪物。蜘蛛係會以跳或攀爬嚟移動,佢可以爬上未起天花板嘅屋,同時又會喺夜晚突襲玩家。蜘蛛騎士同洞穴蜘蛛都係蜘蛛嘅亞種。

蜘蛛會喺亮度7下攻擊人,另外,就算亮度大過7,如果唔係晴天或者光線唔係陽光,蜘蛛都係會主動攻擊。

洞穴蜘蛛 遊戲中嘅第二種蜘蛛,只會喺廢棄礦坑中出沒,因為洞穴蜘蛛不會自然生成,只可以廢棄礦坑嘅刷怪箱生成。洞穴蜘蛛有深藍色嘅身,而且有毒。洞穴蜘蛛嘅體型比蠄蟧細,高度大概係一般蜘蛛嘅一半[5][6]藍寶石華麗雨林即為洞穴蜘蛛嘅形象,洞穴蜘蛛喺Minecraft中非常稀少,就同藍寶石華麗雨林好似,藍寶石華麗雨林係瀕臨絕種生物[7]。洞穴蜘蛛有毒,藍寶石華麗雨林又有毒[8][9][10],都係足以致死。呢兩種生物具及高相似度,因此洞穴蜘蛛有可能係參考藍寶石華麗雨林而做出嚟嘅。
北極熊 外型同現實中嘅北極熊類似,但係佢全身都係方嘅,顏色係白色

玩家殺北極熊可以獲得生魚

被動型[編輯]

被動性生物即使係被玩家或生物攻擊,都唔會攻擊玩家。

生物
蝙蝠 喺山洞同其他封閉空間天然生成嘅被動型生物。蝙蝠係唯一識飛嘅生物。佢哋會發出吱吱嘅叫聲,但唔會影響到遊戲。
同現實中嘅雞一樣,喺1.4.2之前用小麥餵飼,1.4.2之後改用種子。殺死後會有羽毛同雞肉。
同現實中嘅牛一樣,哞菇你牛嘅亞種。玩家可以喺牛身上用鐵桶攞到牛奶,殺死可以獲得攞到生牛肉(有機率有皮革),哞菇可以利用禓剪攞到紅菇(剪咗變成普通嘅牛),又可以用碗攞蘑菇湯。
同現實中嘅豬一樣(1.4.2之後淨係可以用紅蘿蔔嚟繁殖同引誘)。
同現實中嘅羊一樣。玩家殺羊或用剪刀獲得羊毛(用剪刀剪可以攞多啲)和羊肉。用小麥吸引或畀兩隻羊食會生仔。向羊用顏料身上嘅羊毛會變色。

(1.2版本後一共有16種色)

同現實中嘅兔一樣。可以提供兔腳,用來整藥水。有機會出現殺手兔。
烏賊 同現實中嘅烏賊一樣,死咗跌墨囊。墨囊用嚟做黑色顏料。
村民 NPC人類。村民會住喺特定地區,可以同村民用綠寶石換一尐嘢。

可馴服型[編輯]

生物
同現實中嘅馬一樣,可以騎,但係要控制就需要先馴服,同埋用馬鞍。遊戲裡面,同騾屬於馬嘅變種。
豹貓 係可馴服嘅生物。用生魚馴服咗會變成貓,可以用佢嚟嚇走苦力帕
玩家一旦傷害狼,除咗被攻擊嘅狼,附近嘅狼嘅眼睛會變紅,集體攻擊玩家,係一個好難搞嘅對手,又係可馴服嘅生物。餵骨頭會被馴服,餵兩隻狼每隻一塊肉食會生仔。

效用生物[編輯]

效用生物即係可由玩家創造嘅生物。

生物
傀儡 又叫雪人,見到怪物會掟雪球攻擊怪物。需要由玩家自己整,又有玩家利用雪傀儡行過嘅路會留底雪嘅特點,將雪傀儡當成「雪球生產器」噉用。
鐵傀儡 又叫鐵巨人,通常出現喺NPC村落。當NPC村落喺夜晚有怪物襲擊時,鐵傀儡就會嚟防守NPC村落。1.4.2以前版本唔會攻擊苦力帕。

BOSS級怪物[編輯]

生物
終界龍 係第一種BOSS級生物。一隻體型龐大,會飛重好快、靠撞擊嚟攻擊玩家嘅怪物。終界龍只會出現喺終界。位於每個地圖嘅終界入面,每個地圖都只係有一隻終界龍,唔會離開終界,死咗唔會返生[11]

終界龍係遊戲最巨大嘅生物,外貌跟住終界使者嘅材質,全身都係鼆同雙眼紫色,係一條黑色同紫色眼睛嘅巨龍(脊椎動物[12][13][3],但係身上又有部份灰色喺脊椎同巨翼。終界龍同末影人同蠄蟧嘅特質相同,都係可以喺黑鼆鼆睇到佢隻眼[3]

當玩家入咗終界,螢幕上方會有一行紅條表示終界龍嘅血量。而當終界龍飛近終界水晶,終界水晶會發揮作用,幫終界龍加生命值[14]。 終界龍俾人殺死後,身體會好慢噉上升同發光,最後爆炸,同時會跌20000經驗值嘅經驗球。佢死嘅位置嘅地下會有返主世界嘅傳送門,傳送門上有一隻冇用途嘅龍蛋,玩家可以將佢當成戰利品。入咗傳送門後遊戲會顯示一段文字嘅劇情畫面。文字結束後,玩家會被傳送到主世界。當然玩家可以返終界,但係唔會再有終界龍[15]

凋靈 又稱凋零怪,係遊戲中嘅一隻亡靈生物,係繼末影龍之後嘅第二隻BOSS生物。 凋零可被玩家創造。


參考[編輯]

  1. Minecraft For Dummies, Portable Edition, Cordeiro P.106 ,ISBN 1118537130
  2. http://twitter.com/notch/status/21723172931895296 「Minecraft開發者諾奇於Twitter表示:殭屍會掉落羽毛其實是由於他不知道應該掉落什麼物品。」
  3. 3.0 3.1 3.2 3.3 3.4 3.5 3.6 Cordeiro -- Minecraft For Dummies, Portable EditionISBN 1-118-53713-0
  4. 做個創世神2009年9月3號跪版本Classic 0.25 : 骷髏會射箭
  5. http://twitter.com/jeb_/status/109093046452367360
  6. http://pc.ign.com/articles/119/1190990p1.html
  7. Template:IUCN2010
  8. Gabriel,, R. (2002). "Notes and Observations Regarding the Bite of Poecilotheria pederseni". British Tarantula Society Journal. 17 (2): 61–4. 
  9. "Phong's Tarantulas! - Tarantula bites". (原先內容喺2016年3月3號歸檔). 喺2013年5月3號搵到. 
  10. Schmidt, G. (1988). "Wie gefährlich sind Vogelspinnenbisse?". Deutsches Ärzteblatt 85 Heft. 28/29 (2): 1424–5. 
  11. "Minecraft開發人曾宣稱如果龍真嘅加入了,則它們不可隨意生成。". (原先內容喺2016年6月2號歸檔). 喺2013年5月3號搵到. 
  12. 官方放出了兩段關於終界嘅短片,其中終界龍向上飛出鏡頭。
  13. 官方放出了兩段關於終界嘅短片,其中終界龍向上飛出鏡頭。[2]
  14. 當個創世神攻略百科:終界(末地)(The End) - 巴哈姆特
  15. Dan F. Kohlbek, Danny R. Kohlbek, Jake Franz -- Minecraft Adventures: Defeating the Ender DragonISBN 0983964211