健康要Fact Check

《健康要Fact Check》係香港免費電視台ViuTV嘅一個外購電視節目，2021年4月4號至2022年2月20號逢星期日晚喺99台度播放，接替《恐怖醫學》。節目原本係日本 TBS電視台播放嘅健康資訊節目「名医のTHE太鼓判!」。

呢個節目嘅形式，係由權威嘅醫生就每日生活習慣同一直被相信對身體好嘅健康法，用可靠嘅保證或者唔得嚟做判斷，同時會詏一餐，推翻坊間流傳嘅健康常識。節目又緊貼藝人，觀察佢哋嘅日常生活，就佢哋平日嘅伙食同瞓覺等等個人生活方式做徹底調查，等醫生嚟判斷有冇源於不合理嘅生活習慣而引致有患病嘅風險。由偷睇藝人私生活嚟介紹特別得意嘅健康情報^[1]。