元州邨安安幼稚園劈友案

出自維基百科,自由嘅百科全書
跳去導覽 跳去搵嘢

元州邨安安幼稚園斬人案係1982年6月3號喺香港發生嘅一單殺人案。

一位住喺九龍長沙灣元洲街邨黐線佬李志衡,朝早喺屋企㨃冧佢老母同細妹之後,擸幾把架生衝落樓下嘅安安幼稚園,劈冧返緊學嘅細路,最終造成6死44傷。案發後李志衡羈留喺小欖癲人院[1]

事件引起社會對精神病患者嘅關注。2012年,即係慘劇30周年,多個關注團體舉行「倡導精神健康政策起動日」[2]。其中一位當年案發時嘅倖存者,已經做咗葵涌醫院精神科護士輔導人員,幫精神病康復者融入社會。

1986年,呢單嘢改編成電影《癲佬正傳[3]

參考[編輯]

  1. 案發現場 第六集〜元州邨安安幼稚園慘案
  2. "元州邨安安幼稚園慘劇30周年 團體籲加強精神病服務" (PDF). 原著 (PDF)喺2016年9月14號歸檔. 喺2016年9月3號搵到.
  3. 血腥斬人案 安安幼稚園最轟動