元清閣

出自維基百科,自由嘅百科全書

座標: 22°20′34.5″N 114°9′9.6″E / 22.342917°N 114.152667°E / 22.342917; 114.152667

黃大仙元清閣大門對聯:「金生麗水乾卜留聖跡;華光普照坤造別洞天。」

元清閣粵拼jyun4 cing1 gok3英文Yuen Ching Kok)係香港一間供奉黃大仙道教廟宇,喺九龍青山道嘅新圍村,地址為九龍蘇屋一段嘅呈祥道6449號地段,佔地面積約2公頃,分成高低兩組嘅建築群。南面隔離係供奉觀世音菩薩孫悟空紫陽洞

[編輯]

香港日治時期,住喺九龍西部嘅市民前去嗇色園拜神嗰時,成日受到日軍凌辱。當時,潮州商人周亮星先生得知居民嘅苦況,就專程喺1942年4月15號(星期二)到嗇色園禮請黃大仙傳聖土瓜灣北帝街23號二樓,道壇起初名叫『駐憇亭』。法壇之後喺1942年8月22號(星期六)搬去九龍聯合道38號三樓,1942年9月25號(星期五)改名叫「黃大仙元清閣」,更定喺農曆十月初十日為成立日。跟住黃大仙屢降乩示,指示當屆理事向青山道搵地起閣,之後得到潮商陳創穆先生捐地,就喺九龍青山道嘅新圍村現址起咗香港另一間供奉黃大仙嘅道觀。而家嘅建築物係喺1955年春季起好,同年4月24號(農曆閏三月初三日,星期日)舉行開光大典。

設置[編輯]

  • 大門
    • 橫匾:「黃大仙祠」
    • 對聯:「金生麗水乾卜留聖跡;華光普照坤造別洞天。」
  • 主殿供奉道教嘅黃大仙像、「王章」像、「張禹」像。
  • 戶外有蓋食堂:喺農曆初一、十五同農曆8月23號嘅「黃大仙寶誕」,設有免費素食招待前嚟觀光嘅人士。
  • 龜池:似新加坡龜嶼嘅「大伯公廟」噉嘅池塘,中間亦有一隻石龜,背脊上面有一條眼鏡蛇。石碑:善因褔果。
  • 辦事處、義診部、扶乩房、善信休憩處、盥洗室。

[編輯]

出面網頁[編輯]