先天道

出自維基百科,自由嘅百科全書
(由先天道派跳轉過嚟)

先天道華夏宗教之一,屬三合一宗教。開山祖黃德輝,見到神仙為九祖,遙承八祖羅蔚羣,推佛門達摩為初祖。先天道場為齋堂,男女分開,男為乾堂,女為坤堂。教義主張茹素非婚。教眾要修內功外果,必須行善積德,未劫前救己救人,帶人返去真空家鄉人間仙境

先天道包含道佛儒,兼民間信仰,神祇眾多,如儒教孔子、如道教太上老君三官大帝玄天上帝呂洞賓,如佛教釋迦牟尼彌勒佛觀音菩薩文殊菩薩、又如民間天后聖母倉頡灶神,諸如此類。

先天道喺康熙雍正年間,出現於江西。早年並無單一叫法,名有金丹教五盤教青蓮教燈花教等,有講自己係先天大道

先天道受大清所禁,唔停受到壓迫,不過禁之不絕。喺羅祖教白蓮教沒落之際,先天道反而盛行。隨住唐人出洋,到香港、到臺灣、到南洋。先天道有兩次分裂,派系有圓明聖道同善堂一貫道

先天道大道場有廣東清遠藏霞洞飛霞洞,香港、臺灣以及南洋嘅先天道,往往都係依兩地為源流。

喺香港視先天道為道教一部份,視為傳真教正一教之外第三派。唔少香港道教聯合會成員,都係先天道,如玄圓學院藏霞精舍賓霞洞就係。另一啲就轉入佛教,空門化,如大嶼山觀音寺

祖師[編輯]