先賢千乘侯祠

出自維基百科,自由嘅百科全書
跳去: 定向搵嘢
先賢千乘侯祠
忠孝堂
SinJinCinSingHauCi.jpg
主祀 先賢叔魚子梁鱣(九世祖)
家族信息
家族 廣肇梁府合族
修建史
始建 1701年
重修 2009年
方位
地址 廣州市越秀區惠福東路389號
朝向 坐北朝南
現時尚存
經已掛牌
登錄名 青雲書院
等級 越秀區文物保護單位
分類 古建築
2-2
登錄時間 2010年8月14號

 先賢千乘侯祠粵拼sin1 jin4 cin1 sing4 hau4 ci4 ,亦叫青雲書院cing1 wan4 syu1 jyun2)、梁千乘侯祠,堂號忠孝,係廣肇梁府合族祠堂大清康熙卌年(1701年)起好,位置喺廣州越秀區惠福東路389號(惠福路廣州起義路交界嘅東北角)。家下係越秀區保護文物,同埋青雲書院藝術館嘅所在地。

[編輯]

祠堂係喺大清康熙八年(1669年)提議起,康熙卅八年(1699年)由嗰時廣州府同肇慶府梁氏家族一齊夾手出錢喐手起,兩年後起好。期間一直係幫梁氏家族啲子孫後代到廣州城參加科舉考試、辦理訴訟、交等事務嘅場所。間嘢原先規模比較大,喺民國九年(1920年)要拆城牆起馬路嗰時,原訂要拆呢個祠堂,嗰時海南島鎮守使黃志桓向廣東省警察廳發信要求保留呢間祠堂,連嗰時鐵路總局長同交通銀行董事長梁士詒都由北京打電話到廣東省當局話唔好亂拆呢間祠堂。最後呢間祠堂凈係得好少一部份被拆,而保留咗大部份面積。祠堂喺光緒卅一年(1905年)做咗千頃小學堂(後來演變成14中)嘅校舍,直到1984年受到華僑中學重建而停辦嘅消息影響而撤出。學校撤出後,間嘢淪落成越秀區房管局嘅財產,期間千頃書院部份拆咗,而青雲書院部份被出租做商舖同倉庫用途。

直到2009年,廣州地區因迎接亞運會,有關部門開始重視當地文化而重新維修各種古建築來提升廣州嘅城市形象。政府喺惠福東路近起義路口發現咗呢間祠堂,以為係街坊講嘅「千頃書院」而即刻立項維修,後來經過調查先至知係「青雲書院」。最後由廣州大學嶺南建築研究所來修復呢間嘢,重將維修情況同廣東梁氏文化研究會傾咗下。工程喺2010亞運開幕前搞掂嗮,同年8月14號俾越秀區人民政府列咗入越秀區文物保護單位。門前嘅祠堂簡介牌喺2017年11月23號掛咗出來。

結構[編輯]

間嘢佔地7畝到,建築面積有460m²,三進三開間,屋架屬斗拱結構。雖然入面比較殘舊兼有好大改動過嘅痕跡,但好彩嗰大多數改動都冇變到原嚟嘅結構同個樣,重有部份藝術構件保留得比較好。而門額石寫嘅係「先賢千乘侯祠」呢六個字。喺正門右邊掛咗「青雲書院藝術館」嘅木牌匾響度。

飛同開放時間[編輯]

間嘢免費入館參觀。開放時間除禮拜一休息之外,其它時間凈係限10:00~17:30開放。

睇埋[編輯]

[編輯]