跳去內容

出自維基百科,自由嘅百科全書
  想搵日本城市嘅話,請睇光市
全內反射

粵拼gwong1)喺一般人嘅生活中,係一種摸唔到、有、幫人睇嘢嘅輻射。

科學上,係一種電磁波,包含肉眼睇得倒,同睇唔倒嘅。唔同嘅波長決定佢哋唔同嘅特性,由長至短分別係:無線電波微波紅外光可見光紫外光X-光伽馬射線

定位[編輯]

睇埋:光學雙縫實驗

光學物理學嘅一門,專門研究光。齋靠肉眼嘅觀察就經已可知,光主宰咗人睇唔睇到嘢-當周圍好光,人能夠清楚噉睇到周圍嘅嘢,而响黑暗(指冇光嘅環境)嘅環境下人會睇唔到嘢或者睇得冇咁清楚-事實係喺早期嘅光學研究(人類仲未有波動嘅概念)裏面,有部份嘅研究者會就噉將光定義做「令人睇到嘢嘅嘢」[1]

2019 年一日朝頭早,太陽光通過照落京都一角-光呢樣嘢由日常生活度可以輕易噉睇到。

响現代嘅物理學上,光嘅定義係「一類波長喺特定間距(大約 380 至 700 nm)內嘅電磁波」:由中世紀以嚟嘅光學研究可知,光有好多特性係物質冇嘅[註 1],包括係曉折射繞射呀噉-呢點同或者表面上嘅波浪一樣,於是物理學界有咗「波動」嘅概念模型(可以睇吓 19 世紀初嘅雙縫實驗[2]);有咗呢樣知識,物理學家就可以郁手以波動嘅角度嚟研究光。

波動[編輯]

内文:波動
睇埋:電磁波

喺物理學上,波動(wave)係指[3]

  • 擾動(disturbance)-一個或者以上嘅物理量喺平衡點嘅周圍來回變化(個物理量由 郁去 0,再郁去 ,跟住郁返去 0,然後再郁去 ... 當中 係場波動嘅振幅);
  • 而且呢股擾動會喺空間當中行進;
  • 波動可以係有週期性嘅,即係每隔一段時間(週期)就重複一次,而頻率 就係指每秒之內重複幾多次,

-好似係水上面嘅波浪就可以噉想像:喺呢種波動當中,來回變化緊嘅物理量係粒子嘅位置 數值會喺 、0 同 之間來回噉郁嚟郁去,而呢股「令粒子來回上下郁」嘅力量仲會沿住水面傳開去。波動-包括波浪、同光在內-有好多物質冇嘅特性[註 1],例如係曉折射繞射(下面)呀噉[2]。至於要點樣證實光係種電磁性質嘅波動(電磁波),可以睇吓麥士維方程組相關嘅內容[4]

現實世界嘅漣漪(左圖)同相關嘅表面波現象,可以想像成水嘅粒子受到擾動而上下噉來回郁(右圖嘅抽象圖解),而且呢股擾動仲會沿住水面傳開去。

光速[編輯]

光嘅速度,喺真空裏頭,每秒299,792,458[5]。光速本身係一個常數,以符號 c 表示。

相關[編輯]

註釋[編輯]

  1. 1.0 1.1 古典物理學對物質嘅認識嚟講。詳情可以睇量子力學方面嘅內容。

參考[編輯]

  1. Singh, S. (2009). Fundamentals of Optical Engineering. Discovery Publishing House.
  2. 2.0 2.1 Young, Thomas (1804). "The Bakerian lecture. Experiments and calculation relative to physical optics". Philosophical Transactions of the Royal Society of London. 94: 1-16.
  3. Hall, D.E. (1980). Musical Acoustics: An Introduction. Belmont, CA: Wadsworth Publishing Company. p. 8.
  4. Kimball Milton; J. Schwinger (18 June 2006). Electromagnetic Radiation: Variational Methods, Waveguides and Accelerators. Springer Science & Business Media.
  5. 國際度量衡局. "Unit of length (metre)". SI brochure, Section 2.1.1.1. 國際度量衡局. 原著喺2015-02-21歸檔. 喺2007-11-28搵到.