兒童電影院 (廣州)
間嘢喺1957年正式成為廣州市第一間兼唯一嘅兒童電影院，2007年6月因業主收返用地而停業。
史[編輯]
間嘢喺1949年起好，初期嗌麗聲戲院，1957年因大陸規定唔畀有私人機構關係而充公，變成廣州市政府屬下嘅兒童電影院，係廣州第一間兒童電影院。1950年代尾開始，嗰時睇一場電影要￥0.80，重抵過長堤[註 1]、長壽（2003年拆咗）、國泰（1999年拆咗）三間影院平2分錢。尤其係寒假同暑假，睇4場電影重優惠￥0.25。嗰時中國大陸嘅￥1已經係好多錢，政府重規定畀當場電影飛，喺兒童電影院嘅花園（而家係林師傅面檔後邊嘅空地）入面重畀免糧票嘅5分錢麵包。
嗰時電影院係廣州唯一一間帶有大花園嘅專業電影院。到咗1992年，廣州市電影公司同廣州市國際信託投資公司一齊合作，將舊時兒童電影院拆咗嚟重新起返，之後一直停業6年咁耐，直到1998年6月1號先至以全新嘅面貌畀細路睇。雖然嗰時電影市場冇咁火爆，但電影院專門為細路搞服務，結果每年有¾量嘅電影都係啱大人同細路睇，而且節假日一場飛要￥1，平時每場最貴都唔超過￥5。
1999年6月1號，戲院重辦咗第一屆兒童電影節而引起文化界嘅全面關注。但踏入21世紀後，電影院一直持續搞蝕本生意，而且2樓好多時凈得1～2人喺度睇電影。2002年因租金問題而被打官司，從而逼住暫停營業。後嚟房東應承下調租金而費事再次閂門，不過佢重差咗好多房租未還返畀房東。2006年因連續搞蝕本生意，搞到電影院凈接受包場，唔散賣門飛嘅經營。結果喺2007年6月，業主收返電影院用地而搞裝修，最後搞咗50年嘅戲院成為歷史。
現狀[編輯]
電影院喺而家變成間酒店同銀行，隔籬門口已經變成印刷舖同間粉麵檔。
註[編輯]
- ↑ 呢間嘢後嚟改名做羊城電影院，但喺2004年拆咗。
攷[編輯]
- 话说当年广州旧事忆（3） 中共广东省委党校 广东行政学院
- 儿童戏院悄然歇业要建酒店 廣州日報 （2007-12-19 A13版）
- 因产权之争 广州首家儿童电影面临关闭 中国互联网新闻中心
- 承载广州人半个世纪记忆 儿童影院落幕 中國經濟網 （2011-08-12）