公僕仝人與民同行集會

公僕仝人與民同行集會參加者

公僕仝人與民同行集會，係2019年8月2號由香港公務員發起嘅一次反逃犯條例修訂集會，喺中環遮打花園搞。呢次集會主要對象係公務員，但亦都歡迎非公務員參加。集會亦請到一啲前高官出席，包括前政務司長陳方安生同前公務員事務局長王永平。主辦單位宣稱有4萬人參加，警方就話高峰期有1.3萬人。