竇娥冤

出自維基百科,自由嘅百科全書
(由六月飛霜跳轉過嚟)

感天動地竇娥冤》,簡稱《竇娥冤》係元朝劇作家關漢卿最出名既雜劇,個古仔係根據《列女傳》講既著名冤案「東海孝婦」改篇而成。

《竇娥冤》採用元朝雜劇劇本最常見既四折一楔子劇本體制,個古仔講竇娥從小死咗老母,七歲既時候俾佢老豆賣咗俾蔡婆家做童養媳,十七歲既時候成婚,兩年唔夠佢老公就病死咗,竇娥同蔡婆相依為命。

流氓張驢兒睇中咗竇娥,迫蔡婆婆將竇娥嫁俾佢,竇娥唔肯,張驢兒同佢老豆張孛老喺蔡家賴死唔走。之後蔡婆婆病咗,竇娥做羊肚湯俾佢飲,張驢兒偷偷喺湯裡面落毒。當竇娥將羊肚湯俾蔡婆婆飲既時候,蔡婆婆唔舒服,想要嘔,無飲到,最後碗羊肚湯就俾張孛老喝咗。張孛老飲咗羊肚湯之後中毒死咗。張驢兒毒死自己老豆之後就屈竇娥殺人。

張驢兒收買咗貪官桃杌,拷打竇娥同埋蔡婆婆,最終屈打成招,竇娥承認殺人,被判斬首。係法場上,竇娥「負屈銜冤」,臨執行死刑之前,竇娥含淚向蒼天發誓,話佢既冤屈只有老天爺知道,為咗證明佢既清白,佢對天發咗三個誓:血濺白練六月飛雪楚州大旱三年。最終,竇娥既冤屈感動咗上天,三個誓言都實現咗。