冒名頂替症候群

冒名頂替症候群（Imposter Syndrome），係由心理學家Pauline R. Clane同Suzanne A. Imes係1978年所提出 。患者會覺得無論人哋認為自己幾叻都好，佢嘅成功都同自己嘅實力無關，並將自己嘅成就歸因於外在因數，比如運氣。即使客觀事實並非如此，佢哋怕有一日會比人拆穿自己無能嘅「真面目」。係Clane同Imes嘅研究中，指出女性較易患上冒名頂替症候群，而其他研究則指出邊緣社群如唔同性傾向、階級同種族或族裔背景嘅人士亦都較易患上冒名頂替症候群 。目前，冒名頂替症候群並未被視為疾病 。

成因

醫學界對冒名頂替症候群嘅成因暫時未有定論 ，不過可能同個人特質、思維同環境有關。

1. 個人特質：完美主義；害怕失敗；負面嘅自我概念；焦慮型依附 。
2. 思維：高估他人貶低自己；難以建立自我肯定；對智力嘅定義狹隘；對成功有罪疚感 。
3. 環境：童年時受到家長嚴格的管教；係高壓嘅學業或工作環境下學習或工作 。

症狀

1. 自我懷疑同自我批評：對工作冇自信，輕描淡寫自己嘅貢獻，將成功歸因於外在因數。
2. 逃避與拖延：因焦慮遲遲無法動工，總係最後一刻完成，並怪責自己冇盡全力。
3. 完美主義：對工作設下高標準，為力求完美花大量上時間同精力，並對微細嘅錯誤過度敏感，害怕令人失望。

患者嘅思路引起嘅惡性循環

1. 有新任務、工作；
2. 覺得焦慮，拖延或過度準備；
3. 完成任務，鬆一口同有成就感；
4. 將自己嘅成功歸功於運氣或認為自己呃緊人，因為係臨急抱佛腳咁做或者花萬二分努力先完成到，搞到其他人誤以為自己好有能力；
5. 自我懷疑同焦慮加劇，覺得自己呃人。

類形

冒名頂替症候群可分為5個種類，分別是「完美主義者」、「天才」、「超人」、「專家」和「獨行俠」。

1. 完美主義者：覺得自己一定要完美無缺，冇一絲瑕疵，如果唔係就會認為自己好失敗。
2. 天才：覺得自己做咩都應該不費吹灰之力，如果要好努力先完成到嘅話，就會認為自己好無能。
3. 超人：覺得自己要面面俱圓，如果有自己唔擅長嘅方面，就會覺得自己好失敗。
4. 專家：以知識同技能嚟衡量自己嘅能力，好怕比人發現自己有唔識嘅地方。
5. 獨行俠：認為應該要自己獨力完成所有野，如果要人幫就會覺得自己好無能。

影響

1. 為避免出錯而長時間工作，增加患上焦慮、抑鬱同職業倦怠，亦有機會忽視自我照顧 。
2. 妨礙發揮能，比如唔敢在課堂上發言、放棄升遷、發展嘅機會等 。

治療

1. 接納與承諾治療（ACT），同認知行為治療（CBT）唔同，後者著重改變負面諗法；前者著重擁抱同接納呢啲負面諗法，最終期望增加抗逆力 。
2. 記錄自己嘅正向特質、成就同其他人嘅正面評價，從而修正對自己能力嘅睇法 。

外面連結

冒名頂替症候群測量表：https://rmais.colostate.edu/wp-content/uploads/2020/05/imposter-syndrome-mc19-worksheet.pdf