凃博旻偷拍案

凃博旻偷拍案，係指喺2026年5月，高雄市一名警員凃博旻被揭發利用職務之便，要求報案女性脫衣拍攝。由於警局被指有異常嘅滅證行為，高雄市政府亦被指冷處理事件，事件引起公眾嘩然。

事發經過

2024年底，受害人 Y 女喺高雄一間酒店內同男友發生肢體衝突，驚慌之下報警求助，高雄市三民第一警分局員警凃博旻到場後，雖然受害人已經兩度明確澄清自己並未受傷，但凃以「避免影響其他房客」為由將房門關上，並以權威口吻，要求 Y 女脫下衣物進行「傷勢檢查」， Y 女被迫脫到只剩罩杯背心同短褲。凃員唔單止拎起相機拍攝，更一步步引導 Y 女躺臥、趴臥喺床上，甚至要求雙手上舉露出腋下，喺牆角拍攝各種角度。凃喺執勤嘅關鍵時刻，「兩度關閉密錄器」，手機相簿更喺短時間內被「頻繁開啟高達42次」，喺接獲通知返派出所製作筆錄前亦刪除咗手機內嘅23張相。事後Y女驚覺受創，不甘受辱，去派出所報案提告。凃亦喺唔起訴書中憑空捏造提到「 Y 女遭男友持刀威脅」試圖作為檢查身體嘅合理藉口。

事件進入調查程序後， 凃被揭發早已涉嫌偷拍多名女性，甚至將受害者影像進行 AI 換臉合成裸照，相關案件已經陸續遭起訴，但Y女嘅案件換嚟唔起訴處分，理由竟然係「查冇相片留存，證據不足」。

外間反應

• 時代力量王婉諭批評凃博旻，話佢係濫用公眾對警察嘅信任，對受害人作二度傷害。王質疑，如果一切正常，點解要關閉密錄器同急於刪除相片。王又痛批，高雄市警局一開始完全唔出聲，亦無主動關心受害人或者告知佢任何懲處同調查結果；事件一路只係被輕輕放下，去到後續雪球越滾越大、更多犯罪事證被揭露後，先迫於輿論壓力將佢免職。而高雄市政府至今，亦未被害人提供任何基本嘅關心、心理支持或後續協助。
• 高雄市長陳其邁喺市議會答詢時強調，要求警察局有更積極作為，並深刻檢討內部管理機制，市府將透過三項作為落實被害者保護。

後續

高雄市警局話唔會護短，已經已依規定將凃「一次記二大過免職」處分，局長趙瑞華向《知新聞》反駁，案發後至少5度關心被害人，告知相關法律權益、提供協助。不過呢個說法亦被受害人反駁。