利是封

出自維基百科,自由嘅百科全書
幾款機器印製嘅利是封

利是封(正寫「利市封」;有時寫成「利事封」[1]),通常讀做「勵事風」,北方叫做紅包,包住錢作送人嘅

歷史[編輯]

利是封響唐代已經出現,當時係用手工織嘅布袋做「封面」,僅限響宮廷同官方使用,民間就以寓意吉祥嘅鮮紅色紙,包住一張寫滿祝福字句嘅字條,送畀親朋好友,以表心意。

到咗約300年前(清朝),啲人就改用一張形狀同正方形相若嘅紅紙,包住銅錢,封做「利是」,所以又叫做「紅紙」。[2]而第一代嘅印刷紙質利是封,約於1900年印刷術開始廣泛應用時,先至面世。當時嘅所謂利是封,做法超簡單,淨係以紅紙印上黃油,再響未乾嘅黃油上灑上金粉,效果就好似而家燙咗金字嘅利是封咁,而圖案就多以簡單為主,再配合一啲吉祥字句。

近年嘅利是封印刷精美,除咗傳統嘅紅色外,重有金色嘅封套,上面嘅圖案亦種類繁多,除咗平面印刷同燙金印刷嘅吉祥圖案、生肖圖案外,重有立體雷射印刷同埋卡通人物圖案嘅。

由於收紅包嘅人響拆開利是封後,往往就會將利是封棄掉,每年浪費唔少,因此有環保人士提出循環再用利是封。除咗留待出年農曆新年或需要時再用嚟封利是之外,重可以做一啲賀年飾物,例如裝飾用嘅假爆竹形或者球形嘅吊飾等。

其他地方嘅利是封[編輯]

越南嘅利是封同中國嘅樣式一樣,日本嘅利是封稱為「お年玉袋」,傳統上係白色嘅,而近年亦有其他顏色出現。朝鮮人就會用白信封裝壓歲錢,因為佢哋視白色為純潔嘅象徵。

參考[編輯]

  1. http://bbs.sciencenet.cn/blog-447363-409527.html
  2. . 原著喺2020年3月15號歸檔. 喺2019年5月11號搵到.

睇埋[編輯]