利東街

出自維基百科,自由嘅百科全書
  想搵商場嘅話,請睇利東街 (商場)
  「囍帖街」跳轉到呢度。有關歌,請睇「囍帖街 (歌)」。
利東街嘅南端出口係大道東

利東街,俗稱喜帖街印刷街,喺香港島灣仔,係香港出名嘅印刷品製作同門市集中地,特別以印喜帖出名。但由於市區重建計劃,利東街嘅業權而家已經俾政府市區重建局收番,喺2005年11月6號凌晨零時起,復歸政府所有,令印刷店嚮當地絕跡,或搬走。收番重建後,利東街所有樓宇同埋店舖都已經重門深鎖,而店舖門外亦貼晒市建局嘅告示,寫住「此乃市區重建局物業(This is an Urban Renewal Authority property)」。當地居民同關注組織曾經爭取緊喺重建計劃入面保留喜帖街嘅特色。