創意寫作

出自維基百科,自由嘅百科全書
Jump to navigation Jump to search
1798 年嘅一幅油畫;幅畫描繪一位作家坐喺書枱前面諗計。

創意寫作粵拼cong3 ji3 se2 zok3英文creative writing)泛指任何展示作者創意原創寫作品。創意寫作有別於一般嘅寫作:好似係新聞學或者學術性嘅寫作通常會重視客觀噉描述一啲事物,而創意寫作就著重運用敘事嘅建構技巧以及文學上嘅橋段,達致藝術性或者娛樂性嘅效果。創意寫作嘅範疇可以分做兩大領域:虛構非虛構故仔嘅寫作,以及係嘅寫作[1][2]

對於創意寫作呢個領域嘅定位,有作家噉樣講[3]

原版英文:"[Creative writing] is a composition of any type of writing at any time primarily in the service of such needs as the need for keeping records of significant experience, the need for sharing experience with an interested group, and the need for free individual expression which contributes to mental and physical health."

粵文翻譯:(創意寫作)係指任何嘅寫作品嘅編寫,而份作品嘅主要目的係滿足對於「紀錄有重要性嘅體驗」嘅需要,對於「向有興趣嘅人分享體驗」嘅需要,同埋對於「個體自由表現自己」嘅需要。

廿一世紀嘅創意寫作係一個相當專業嘅領域。做創意寫作需要用到多種技能:一個作家需要對佢寫作嘅題材有相當嘅認識,例:一個科幻作家通常梗要對同自己嘅故仔相關嘅科學科技知識有返咁上下熟,先可以確保自己嘅作品唔會輕易俾人搵到漏洞[4];作家又需要具有創造力,能夠想像出創新嘅故仔[5];另一方面,作家又要有高度嘅語文能力,能夠寫出好睇順眼嘅句子[6]。因為創意寫作嘅專業性,世界各地嘅院校都會開班專門教授創意寫作相關嘅技能,而且仲有學者會對「點樣有效噉教授創意寫作技能」方面嘅課題進行研究[7]

睇埋[編輯]

參考文獻[編輯]

  • Brewer, R. L., ed. (2013). 2014 Writer's Market. Cincinnati: Writer's Digest Books.
  • Cox, M. (2010). A Dictionary of Writers and Their Works. Oxford: Oxford University Press.
  • Everett, Nick (2005). "Creative Writing and English". The Cambridge Quarterly. 34 (3): 231–242. doi:10.1093/camqtly/bfi026.
  • Fenza, D. (2004). The AWP Official Guide To Writing Programs. Fairfax, Va: Association of Writers & Writing Programs.
  • McGurl, Mark (2009). The Program Era: Postwar Fiction and the Rise of Creative Writing. Harvard University Press. ISBN 978-0-67-403319-1.
  • Myers, D. G. (2006). The Elephants Teach: Creative Writing since 1880. Chicago: University of Chicago Press.
  • Palmer, A. J. (2010). Writing and Imagery - How to Deepen Your Creativity and Improve Your Writing. Aber Books. Republished as Writing and Imagery - How to Avoid Writer's Block (How to Become an Author). Aber Books. 2013.
  • Roy, Pinaki (2014). "Reflections on the Art of Producing Travelogues". In Mullick, S. (ed.). Images of Life: Creative and Other Forms of Writing. Kolkata: The Book World. pp. 111–129. ISBN 978-93-81231-03-6.

[編輯]

  1. Osborn, A. (2012). Applied Imagination-Principles and Procedures of Creative Writing. Read Books Ltd.
  2. Everett, Nick (2005). "Creative Writing and English". The Cambridge Quarterly. 34 (3): 231–242.
  3. Marksberry, Mary Lee. Foundation of Creativity. Harper's Series on Teaching. (New York ; London: Harper & Row, 1963), 39.
  4. Stein, N. L. (1986). Knowledge and process in the acquisition of writing skills. Review of Research in Education, 13(1), 255–258.
  5. Ward, T., Smith, S. M., & Fink, R. A. (1999). Creative cognition. In R. J. Sternberg (Ed.), Handbook of creativity (pp. 189–212). Cambridge: Cambridge University Press.
  6. Gardner, J. (1991). The art of fiction: Notes on craft for young writers. NY: Vintage Books.
  7. Barbot, B., Tan, M., Randi, J., Santa-Donato, G., & Grigorenko, E. L. (2012). Essential skills for creative writing: Integrating multiple domain-specific perspectives. Thinking Skills and Creativity, 7(3), 209-223.

[編輯]