創造101

創造101（英文：Produce 101）係一個中國2018年嘅選秀電視節目，由騰訊視頻製作，原版係韓國節目PRODUCE 101。

101名選手入面，最終會選出11名勝出者，佢哋之後會同企鵝影視同埋哇唧唧哇簽下兩年合約，期間唔可以參與本來所屬公司安排嘅活動。

關於改編安排

雖然節目本來來自韓國，但制度上加入咗唔少變化，例如踢館賽制、導師可以決定「c位」、導師分組戰、旁聽生制度同埋俾旁聽生可以有再PK權利等橋段。

事件

俾陳芳語投訴侵犯人權同逼佢認做中國人

臺灣歌手陳芳語話過，佢喺2018年參加呢個節目嘅時候，面對唔少唔愉快事件，包括製作組侵犯佢人權私隱、偷拍佢同其他女性參加者換衫、講咗自己唔食肉但依然畀佢食兔肉、純粹為節目效果唔畀佢同其他參加者睏覺，同埋逼佢認做中國人。佢話等到俾人淘汰之後好開心。