劉曉波

出自維基百科,自由嘅百科全書
跳去: 定向搵嘢
劉曉波
刘晓波.jpg
原文名 刘晓波
出世 (1955-12-28)1955年12月28號
Flag of the People's Republic of China.svg 中國吉林長春
2017年7月13號(2017-07-13)(61歲)
Flag of the People's Republic of China.svg 中國遼寧瀋陽
國籍 Flag of the People's Republic of China.svg 中國
母校 吉林大學
北京師範大學
職業 作家、政治評論員、人權活動家
配偶 劉霞 (1996~2017)
獎項 2010年諾貝爾和平獎

劉曉波粵拼lau4 hiu2 bo1簡化字刘晓波英文Liu Xiaobo1955年12月28號2017年7月13號),男性,係中國作家異見人士、前北京師範大學中文系講師吉林長春出世,北京市居民。有份簽《零八憲章》。2009年1月因為簽咗《08憲章》而俾政府話佢「危害國家安全罪」而被軟禁[1],2009年6月24號俾人拉咗[1],2009年12月25號判監11年。

2010年諾貝爾和平獎頒咗畀佢[2][3],係繼1935年和平獎得主納粹德國記者奧西茨基後,第二位在囚嘅人攞和平獎。但中國政府唔放佢,啲領獎代表又俾中國政府禁止出境,結果2010年12月10號嘅諾貝爾和平獎頒獎禮冇人領獎,主辦當局留咗張空凳代表佢。劉曉波都係諾貝爾獎歷史上唯一一位從獲獎到辭世始終未能獲得任何人身自由嘅諾貝爾獎得主。

佢認為中國「需要三百年殖民地」先可以實現真正嘅歷史變革[4]

劉曉波喺軟禁期間因為患肝癌而保外就醫,但經過咗好多專業同權威啲醫生搶救,病情重係持續惡化。直到2017年7月13號,瀋陽市司法局正式宣佈劉曉波因肝癌令好多臟器功能衰竭,最後證實不治,終年61歲[5][6]。劉曉波亦做咗全球頭一位在囚期間死咗而領唔到獎嘅諾貝爾和平獎得主。

各界反應[編輯]

喺香港,劉曉波在世期間曾經爆發過要求釋放劉曉波嘅示威行動。

2010年12月10號諾貝爾獎嘅頒獎典禮入面,由於受到中華人民共和國政府嘅直接干擾或部分國家擔心會影响中華人民共和國同佢哋之間嘅外交關係,所以喺65個出席國家當中,凈得Flag of Afghanistan.svg 阿富汗Flag of Algeria.svg 阿爾及利亞阿根廷 阿根廷中華人民共和國 中華人民共和國古巴 古巴Flag of Egypt.svg 埃及伊朗 伊朗Flag of Iraq.svg 伊拉克哈薩克 哈薩克Flag of Morocco.svg 摩洛哥巴基斯坦 巴基斯坦Flag of Russia.svg 俄羅斯沙地阿拉伯 沙地阿拉伯Flag of Sri Lanka.svg 斯里蘭卡Flag of Sudan.svg 蘇丹Flag of Tunisia.svg 突尼西亞委內瑞拉 委內瑞拉,及Flag of Vietnam.svg 越南冇出席過頒獎典禮。典禮結束後,聯合國同好多個西方國家或地區嘅政府猛咁支持劉曉波攞咗諾貝爾獎,重有好多人權組織要求中共馬上釋放劉曉波同相關異見人士。但成個中國大陸東南亞(尤其喺越南星加坡)、成個非洲伊朗沙地阿拉伯伊拉克印度俄羅斯巴西北韓古巴哈薩克斯坦突尼西亞委內瑞拉埃及巴基斯坦摩洛哥嘅媒體唔單止冇講到呢單嘢,甚至啋都唔啋佢[7][8]。而東盟秘書長除咗唔睇清楚劉曉波係乜水之外,甚至唔出席和平獎頒獎禮做抗議[9][8]

喺中國大陸,中央政府話劉曉波攞咗諾貝爾和平獎係擺明玩嘢[10]。之後中國政府收緊咗同劉曉波有關嘅內容,甚至隔開咗同「劉曉波」有關嘅網絡內容[11],甚至拉咗慶祝劉曉波攞咗獎啲人收監都有[12][13]

喺劉曉波死咗嗰日,瀋陽市司法局官網出現網絡癱瘓而冇辦法訪問嘅情況[14][15]。連東南亞嘅越南、老撾、柬埔寨啲媒體、甚至連緬甸諾貝爾和平獎得主昂山素姬都冇講到劉曉波死咗嘅事[16]

著作[編輯]

  • 《選擇的批判──與李澤厚對話》 上海人民出版社 1987年版
  • 《審美與人的自由》 北京師範大學出版社 1988年版
  • 《形上學的迷霧》 上海人民出版社 1989年版
  • 《未來的自由中國在民間》
  • 《赤身裸體,走向上帝》 時代文藝出版社 1989年版
  • 《末日倖存者的獨白》 台灣中國時報出版社 1993年版
  • 《中國當代政治與中國知識份子》 台北唐山出版社 1990年版
  • 《劉曉波劉霞詩選》 香港夏菲爾國際出版公司 2000年版
  • 《美人贈我蒙汗藥》 用筆名老俠與王朔合著 長江文藝出版社 2000年版
  • 《向良心說謊的民族》 捷幼出版社 2002年版
  • 《未來的自由中國在民間》 勞改基金會 2005年版
  • 《單刃毒劍——中國當代民族主義批判》 博大出版社 2006年6月出版

參考[編輯]

  1. 1.0 1.1 China activist formally arrested
  2. "The Nobel Peace Prize 2010 - Prize Announcement", nobelprize.org, 2010-10-08 
  3. "劉曉波獲諾貝爾和平獎", 香港電台, 2010-10-08 
  4. 劉曉波 (2006-12-19). "我與《開放》結緣十九年". 開放雜誌. 喺2010-10-09搵到. 
  5. "刘晓波病亡". 沈阳市司法局. 2017-07-13. 
  6. "刘晓波病逝". 當今大馬. 2017-07-13. 
  7. "外交部只会抗议?中国竟公然耍了次"流氓"". 搜狐. 2016-04-15. 
  8. 8.0 8.1 "这个国家曾专注黑中国,被制裁六年才懂得不能惹中国粑粑". 鳳凰網. 2016-12-10. 
  9. "也谈2010年诺贝尔和平奖获得者刘晓波". 疯狂侠客88. 中國文字緣. 2014-11-05. 
  10. "外交部发言人马朝旭答记者问". 中华人民共和国外交部. 2010-10-08. 喺2010-10-08搵到. 
  11. 明永昌(整理) (2010-10-10). "刘晓波获奖 大陆媒体"集体失声"". 联合早报网. 喺2010-10-10搵到. 
  12. 德国之声:获奖之后:刘晓波家被封锁 自发庆祝者被抓
  13. 劉霞遭軟禁 透過推特發聲
  14. "在严密隔离中去世". 民主中国. 2017-07-13. 
  15. "沈阳官网短暂公告刘晓波病亡". 美国之音. 2017-07-13. 
  16. "劉曉波病逝東南亞國家反思民主的倒退". 萬維讀者網. 2017-07-14.