劉錫康

出自維基百科,自由嘅百科全書

劉錫康英文Philip Sak-hong LAU1947年—),係升岡國際有限公司董事局主席、總經理同創辦人。

1947年喺廣東番禺出世。老竇做過家族生意,但後來破咗產。之後去到香港發展,就喺電子廠做咗學師仔,到咗1969年,就向阿媽借咗10萬蚊創立咗升岡電子有限公司,但到咗1973年畀日籍商人呃咗200萬港元,事業亦跌落谷底,喺1979年,得到賭王何鴻燊夾份喺澳門開咗一間電子廠,喺1988年4月12號,佢一手創立嘅升岡電子有限公司(已被升岡國際有限公司取代)正式喺港交所上市[1]

馬主生涯[編輯]

劉錫康、劉錫鴻、劉錫澳、劉錫淇、劉錫海幾兄弟、囝囝劉日申、囡囡劉津津都係香港賽馬會嘅馬主會員,由1991-1992馬季開始擁有以「蝦王」兩個字命名嘅馬匹,名下馬匹包括已退役嘅「蝦王」、「御蝦王」、「蝦王之星」、「靚蝦王」、「正蝦王」、「愛蝦王」、「快蝦王」、「叻蝦王」、「精蝦王」、「貴蝦王」、「暢蝦王」、「賞蝦王」、「雲吞蝦王」、「甜蝦王」、「活得精彩」、「叻蝦皇」、「旺蝦王」、「阿李蝦蝦」(劉錫康名下)、「蝦王至上」(劉錫鴻名下)、「有錢途」(劉錫澳名下)、「兵奇臨」(劉錫淇名下)、「新蝦王」、「哈蝦巴爸」、「哈蝦王旺」[2](劉日申名下)、「開心蝦王」(劉錫海名下)、「穿雲箭」(劉錫澳、劉錫淇同劉錫鴻名下)、「但求蝦王」(蝦王之友團體名下),以及現役嘅「靚蝦女」[3]、「神之水滴」(好酒好菜團體)、「蝦李波特」。

靚蝦王[4]香港短途錦標洋紫荊短途錦標跑馬地錦標安田紀念賽等賽事奪冠,但唯一最失敗嘅係叻蝦王,而精蝦王退役之後曾經有仔女嚟過香港服役。

家庭成員[編輯]

劉錫康有兩仔一女:劉日東、劉日申、劉津津,此外重有侄劉誠欣、劉宇彤同埋侄女劉馨而。

參考[編輯]

  1. 升岡國際的崛起之路 金融時報中文版
  2. 冇旺蝦王咁堅?350萬新蝦兵亮相!劉錫康:三大原因令我拍板購入. 原著喺2020年3月15號歸檔. 喺2018年12月20號搵到.
  3. 劉錫康先生及夫人-馬匹資料-賽事資料-賽馬資訊-香港賽馬會
  4. 劉錫康觀人察馬具慧眼 太陽報

出面網頁[編輯]